Ǵylym jáne joǵary bilim mınıstri Saıasat Nurbek Qazaqstan men Reseı ǵalymdary tarıhty birlesip jazady degen aqparatqa baılanysty pikir bildirdi, dep habarlaıdy "Adyrna" ulttyq portaly Ulysmedia.kz-ke silteme jasap.
"Birinshiden, arnaıy komıssııa quryldy degen jalǵan aqparat. Ondaı komıssııa da joq. Ulttyq tarıhty sheteldik memleketpen ortaqtasyp jazý degen aqparat jalǵan. Iá, Reseı jáne Qazaqstan tarıhshylar toby bar. Biraq ol taza ǵylymı top. Maqsaty – bilimmen aınalysý, arheologııalyq qazbamen, ekspedıııalyq jumystarmen aınalysý. Qazir Altaı tóńireginde birlesken úlken joba bastalǵan. “Uly Altaı” degen kóne túrki taıpalarǵa, qaǵandyqtarǵa qatysty birlesken zertteýler bar. Reseı tarapynan da kórshiles Batys Sibirde, Altaıda jańa ekspedıııalardan arheologııalyq jaqsy jańalyqtar shyǵyp jatyr. Sondyqtan, solardyń almasý taqyryby bar. Bul taza ǵylymı baılanys. Ǵylymmen, jańa izdenispen aınalysý maqsatynda qurylǵan" - dedi, Saıasat Nurbek.
Ǵylym jáne joǵary bilim mınıstri kelesi jyly Reseı, Iran, Qytaı, Ulybrıtanııa, AQSh, Germanııa, Túrkııa ǵalymdarymen birlesip jumys istegen jeti tomdyq úlken hrestomatııalyq oqýlyqtyń shyǵatyny týraly aıtty. Sondaı-aq, bul oqýlyqtyń ǵylymı maqalalarda, monografııalarda qoldanylatynyn da alǵa tartty.
"Jeti tomdyq joba buryn zerttelmegen jańa faktilermen toltyrylady. Sońǵy 20 jylda ótkizilgen jańa arheologııalyq ekspedıııalar nátıjelerimen tolyqtyrylady. Bizge buryn qoljetimdi bolmaǵan jańa arhıvterdi ashyp otyrmyn. Óte úlken súıinshi: eki kún buryn Vatıkanǵa tarıhshy “Shyǵystaný” ınstıtýtynyń dırektory Dúken Másimhanulynyń jetekshiligimen bizdiń úlken birinshi tobymyz attandy. Vatıkan aldyńǵy jyly qol qoıylǵan kelisimshart negizinde Vatıkanda buryn jabylǵan arhıv, murajaılarǵa tolyqqandy qoljetimdikti bizge berdi. Bizdiń bir top ǵalymdarymyz shyqty. Óte jaqsy nátıjelerdi kútýdemiz. Vatıkannyń elshileri, mıssıonerleriniń jazǵan, jınaǵan derekkózderi, esepteri bizge tolyqqandy beriledi"- dedi Saıasat Nurbek.
