24 qarasha kúni Aqtóbe qalasyndaǵy áskerı bólimderdiń birinde mert bolǵan merzimdi áskerı qyzmetkerdiń anasy úndeý jasady, dep habarlaıdy «Adyrna» tilshisi.
Irına Borovetiń aıtýynsha, uly sáýir aıynda áskerı mindetin oryndaýǵa ketken. Áıel beıneúndeýinde balasynyń áskerde qysym kórmegenin atap ótti.
«Andreı jaqsy qyzmet etti. Eshkim ony renjitpedi, barlyǵy jaqsy boldy. Únemi qońyraý shalyp, sondaǵy mán-jaıdy aıtyp berip otyrdy. Ata-analarǵa aıtarym, balalaryńyzdy jaman jaıttardan qorǵap, basyn jaman jańalyqpen aýyrtpańyzdar. Olar alańsyz boryshyn ótesin»,—dedi marqumnyń anasy.
Sondaı-aq áıel qazaqstandyqtardy jalǵan aqparat taratpaýǵa shaqyrdy.
«Ózin-ózi óltirýge ıtermelegen» degen nusqany taratpaýlaryńyzdy suraımyn. Men ulymdy sot-medıınalyq saraptamasyn jasamastan buryn kórdim. Eshqandaı jaraqaty da, soqqy izderi de bolǵan joq»,—dedi ol.
Eske salaıyq, buǵan deıin Aqtóbe garnızonynyń baspasóz qyzmeti áskerı qyzmetker óz-ózine qol jumsady degen aqparat taratqan edi.
