Astanada Halyqaralyq múgedektigi bar adamdar kúni qarsańynda «AMANAT» partııasynyń qoldaýymen Qazaqstan múgedekter konfederaııasy uıymdastyrǵan XVII «Jan Shýaq» qoǵamdyq syılyǵynyń laýreattaryn marapattaý rásimi ótti. Bul syılyq jyl saıyn qoǵamdyq qyzmette erekshe nátıjelerge qol jetkizgen múgedektigi bar adamdarǵa beriledi.
Marapattaý rásimin asha otyryp, Májilis Spıkeri, «AMANAT» partııasynyń Tóraǵasy Erlan Qoshanov erekshe qajettiligi bar azamattardyń turmysyn jaqsartý máselesi Prezıdent Qasym-Jomart Toqaevtyń nazarynda ekenin atap ótti.
«Qoǵamnyń jetilý deńgeıi, adamı, azamattyq jaýapkershiligi onyń erekshe qajettiligi bar adamdarǵa degen kózqarasymen ólshenedi. Elimizde bul kózqaras oń baǵytqa qaraı ózgerýde. Osy ózgeristerdiń ózeginde el Prezıdenti Qasym-Jomart Toqaevtyń áleýmettik turǵyda Ádiletti Qazaqstandy qurýǵa baǵyttalǵan saıasaty jatyr. Biz uzaq ýaqyt boıy múgedektigi bar adamdar tek qorǵaý men kómekti qajet etedi degen taptaýryn qaǵıdamen ómir súrdik. Dál qazir bul stereotıpterdiń máni joıylýda», – dedi ol.
Májilis Spıkeri «Jan Shýaq» syılyǵyna qatysýshylar – erik-jiger men ultjandylyqtyń naǵyz úlgisin kórsetip kele jatqan jeńimpazdar ekenin jetkizdi. Oǵan – Ulttyq quramanyń bıylǵy Paralımpıadada tabysty óner kórsetip, Parıj tórinde sportshylarymyzdyń 9 márte jeńis tuǵyryna kóterilgeni aıqyn dálel. Prezıdent osy tolaǵaı tabysty de erekshe atap ótip, el mereıin asyrǵan barlyq Paraolımpıada júldegerleri men bapkerlerin memlekettik ordendermen marapattady.
Erlan Qoshanov partııanyń «Halyqpen birge!» saılaýaldy baǵdarlamasyn júzege asyrý aıasynda múgedektigi bar adamdardyń taýarlar men qyzmetterge tapsyrys berýine arnalǵan «Aleumet» qosymshasy iske qosylǵanyn, sondaı-aq erekshe qajettiligi bar 15 myńǵa jýyq adam jumysqa ornalastyrylǵanyn atap ótti. Buǵan qosa, «Kedergisiz keleshek» jobasy aıasynda osy jyldyń ózinde 4 myń áleýmettik jáne kólik ınfraqurylymy nysandary múgedektigi bar azamattarǵa saı beıimdeldi.
Sonymen qatar, ekinshi jyl qatarynan Májiliste «Inklıýzıvti Parlament» depýtattyq toby jumys isteýde. Onyń quramynda Parlamenttiń 20-ǵa jýyq depýtaty bar. Olar aýqymdy jumys atqaryp, nátıjesinde turǵyn úı saıasaty jónindegi zańda múgedektigi bar adamdar men múgedektigi bar bala asyrap otyrǵan otbasylardyń turǵyn úı alýyna birinshi kezekte quqyq berý kózdeldi, múgedektigi bar adamdardy kolledjderge qabyldaý kvotalarynyń sany ulǵaıtyldy.
Bıyl Memleket basshysy májilismen ári «Inklıýzıvti Parlament» depýtattyq tobynyń múshesi Kenjeǵul Seıtjandy Halyqtyń áleýmettik jaǵynan osal sanattarynyń quqyqtary jónindegi ýákil laýazymyna taǵaıyndady.
Óz kezeginde, Qazaqstan múgedekter konfederaııasynyń prezıdenti Janat Omarbekova «Jan Shýaq» syılyǵyn tapsyrý rásimi 2008 jyldan beri ótkizilip kele jatqanyn jáne osy jyldar ishinde 90-ǵa jýyq adam marapattalǵanyn atap ótti. Bıyl ashyq daýys berý nátıjesinde uıymdastyrý komıssııasynyń sheshimimen 8 laýreat anyqtaldy.
«Bizdiń basty mindetimiz – múgedektigi bar adamdardyń qoǵammen bite qaınasyp ketýine kómektesý, áleýetin ashý, iske asyratyn jańa múmkindikter berý jáne olardyń aınaladaǵy adamdarǵa qajet ári belsendi bolýǵa degen umtylysyn qoldaý, damýǵa jáne alǵa umtylýǵa degen sheshimin jan-jaqty yntalandyrý», – dedi ol.
Osylaısha, Qazaqstan tarıhyndaǵy tuńǵysh eki dúrkin Paralımpıada chempıony, paýerlıfter Davıd Degtıarev «Kúsh-jigeri jáne jeńiske talpynysy úshin» syılyǵynyń ıegeri atandy.
«Múgedektigi bar adamdardyń ǵylym men bilim berý qyzmetin damytýǵa qosqan úlesi jáne oqýǵa talpynysy úshin» nomınaııasynda Shymkent qalasynyń turǵyny Ermek Bákıev marapatqa ıe boldy. Ol bes jyl boıy «Otyrar» telearnasynda «Erekshe jandar» baǵdarlamasynyń júrgizýshisi bola júrip, múgedektigi bar adamdardyń shyǵarmashylyǵy men jetistigin nasıhattady.
Almaty oblysy M.Túımebaev aýylynyń turǵyny Jeńisgúl Dáýletova «Kásipkerlik qyzmetti damytýǵa qosqan úlesi úshin» nomınaııasy boıynsha laýreat atandy. Áıgili qolóner sheberi 20 jyldan beri kórpe, jastyq jáne qazaq halqynyń ulttyq kıimderin tigýmen aınalysyp keledi.
«Múgedektigi bar adamdarǵa qatysty qoǵamdyq sananyń oń ózgerýine qosqan úlesi úshin» syılyǵyn Astana qalasynyń turǵyny, qoǵam qaıratkeri, erekshe qajettiligi bar adamdarǵa arnalǵan kópshilik jarystardyń qatysýshysy jáne uıymdastyrýshysy Nurlan Syzdyqovıelendi.
«Óner salasyndaǵy úzdik jetistikteri úshin» nomınaııasy boıynsha Semeı qalasynyń turǵyny Abylaıhan Asylbaı jeńimpaz atandy. Zerger – «EKSPO – 2017» respýblıkalyq sándik-qoldanbaly óner sheberleri baıqaýynyń fınalısti.
«Mádenıet salasyndaǵy úzdik jetistikteri úshin» syılyǵynyń ıegeri – Petropavldan kelgen «Sensitive» estý qabileti buzylǵan bıshiler teatrynyń shyǵarmashylyq ujymy. Soltústik Qazaqstan oblysynyń ansambli 18 jyldan beri jumys istep keledi. Osy ýaqyt aralyǵynda olar tek Qazaqstanda ǵana emes, álemge tanymal ujymǵa aınaldy. Bıyl Franııadaǵy halyqaralyq festıvalde «Sensitive» Kann shyǵarmashylyq óner festıvaliniń úzdik horeografııalyq ujymy retinde tanyldy.
«Sport salasyndaǵy úzdik jetistikteri úshin» nomınaııasynda paýerlıftıngten Qazaqstannyń birneshe dúrkin chempıony, Azııa paralımpıada oıyndarynyń qola júldegeri, Aqtóbe oblysy Qandyaǵash qalasynyń turyǵy Gúlim Qurmanbaeva júldeger atandy.
Qoǵamdyq qyzmettegi eńbegi úshin Iran Omarbekov atyndaǵy qordyń arnaıy syılyǵymen Qyzylordadan kelgen bloger Záýre Óksimbaeva marapattalady.
Ár laýreat 1 mln teńge kóleminde aqshalaı syılyqqa ıe boldy.
Saltanatty rásimge qatysýshylar men qonaqtar úshin beıneleý jáne qoldanbaly óner kórmesi uıymdastyryldy. Ondaǵy ár týyndyny erekshe qajettiligi bar sheberler jasady.
«AMANAT» partııasynyń baspasóz qyzmeti
Sýretti túsirgen: Álı Ǵalym
