18 qarasha kúni Dýshanbede bılikti basyp alý jáne memleketke opasyzdyq jasaý áreketi týraly rezonanstyq is boıynsha ekinshi sot otyrysy ótti. Bul týraly «Azııa-plıýs» jazdy, dep habarlaıdy «Adyrna» tilshisi.
Is boıynsha sottalýshylar qatarynda belgili tájik saıasatkerleri men qoǵam qaıratkerleri, onyń ishinde eks-ónerkásip mınıstri Zaıd Saıdov, buryeǵy bas prokýror Bobodjon Bobohonov jáne Tájikstan Demokratııalyq partııasynyń burynǵy basshysy Mahmadrýzı Iskandarov bar.
Búgingi sot otyrysynda tórt aıyptalýshynyń kýáligi tyńdaldy. Olardyń arasynda Tájikstan Syrtqy ister mınıstrliginiń burynǵy basshysy Hamrohon Zarıfı, buǵan deıin Syrtqy ister mınıstrliginde aqparat, baspasóz, taldaý jáne syrtqy saıasatty josparlaý departamentin basqarǵan
Abdýlfaız Atoı, Ulttyq qaýipsizdik komıtetiniń eks-polkovnıgteri
Nuramın Ǵanızoda men Djamshed Boev boldy.
Aıyptalýshylardyń kópshiligine Tájikstan Qylmystyq kodeksiniń 305 («Memleketke opasyzdyq») jáne 306 («Bılikti basyp alý») baptary boıynsha aıyp taǵylyp otyr. Al keıbireýi Qylmystyq kodekstiń 247 («Alaıaqtyq») jáne 189-baby («Ulttyq, násildik, jergilikti nemese dinı arazdyqty qozdyrý») boıynsha kúdikti dep tanyldy.
Alaıda sottalýshylar ózderine taǵylǵan aıyppen kelispeıtinin jetkizdi.
Qazirgi tańda sot proesi Tájikstannyń memlekettik ulttyq qaýipsizdik komıteti tergeý ızolıatorynyń aýmaǵynda jabyq túrde ótip jatyr. Birinshi otyrys 14 qarashada bolǵan edi. Sol kúni sot advokattardyń proesti ashyq zalǵa kóshirý týraly ótinishin qanaǵattandyrmaıtynyn jetkizdi.
«Is materıaldary qupııa bolyp sanalǵandyqtan, proess jabyq túrde ótip jatyr. Qosymsha aqparattar berilmeıdi»,—dedi Joǵarǵy sottyń baspasóz qyzmeti.
