Amerıkalyq mıllıarder Ilon Masktyń Tegeran men Vashıngton arasyndaǵy shıelenisti báseńdetý maqsatynda BUU-daǵy Irannyń turaqty ókili Amır Saıd Iravanımen kezdeskeni jaıly aqparat tarady, dep habarlaıdy "Adyrna" ulttyq portaly Anadoly agency-ge silteme jasap.
New York Times derekterine sáıkes, aty-jónin jarııalamaýdy suraǵan eki ırandyq sheneýniktiń aıtýynsha, kezdesý 14 qarashada Nıý-Iorkte ótken. Olar bul kezdesýdiń bir saǵattan astam ýaqytqa sozylǵanyn jáne onyń «pozıtıvti» jaǵdaıda ótkenin aıtty. Sondaı-aq, kezdesý «jaqsy nátıjelerge» ákelýi múmkin dep kútilýde.
Masktyń bastamasymen uıymdastyrylǵan bul kezdesýde Iravanı Iranǵa ınvestıııa salýdy usynǵan. Sonymen birge, ol Iranǵa qatysty sankııalardy alyp tastaý máselesin kóterýge keńes bergen.
BUU-daǵy Irannyń turaqty ókildigi jáne Donald Tramptyń baspasóz hatshysy Stıven Chýng mundaı qupııa kezdesý týraly pikir bildirýden bas tartqan.
Irannyń syrtqy ister mınıstri Abbas Erakchı 14 qarasha kúni áleýmettik jelilerde Irannyń ıadrolyq baǵdarlamasyna qatysty daýlar tek yntymaqtastyq pen dıalog arqyly sheshilýi múmkin ekenin atap ótken.
