Amerıkalyq CNN telearnasy Qazaqstanǵa 70 jyldan keıin jolbarystardyń oralyp jatqany týraly materıal jarııalady, dep habarlaıdy "Adyrna" ulttyq portaly.
Jolbarystar Qazaqstan dalasynan 1950-shi jyldary joıylyp ketken bolatyn. Biraq qazir olardy qaıta oraltý úshin barlyq jaǵdaılar jasalýda. Qyrkúıek aıynda Nıderlandtan ákelingen amýr jolbarysynyń juby Ile-Balqash qoryǵyna jetkizildi. Zoologtardyń aıtýynsha bul aımaq bir kezderi osy jyrtqyshtardyń tarıhı mekeni bolǵan.
Ortalyq Azııada jolbarystardyń mekeni Túrkııadan Koreı túbegine, Reseıdiń soltústiginen Indonezııaǵa deıin taraǵan. Qazir jolbarystar ózderiniń burynǵy mekenderiniń tek 7%-ynda ǵana bar.
Al elimizde bul janýarlar 1950-shi jyldary tolyǵymen joıylyp ketken. Qaıtadan tabıǵı ortaǵa qonystandyrý úshin Qazaqstanda buryn ómir súrgen túrge óte uqsas Amýr jolbarysy tańdalǵan.
Jolbarystardy tabıǵatqa oralý úshin tasymaldaý jobasy birinshi ret júzege asyryldy. Eki jolbarys Nıderlandtan Germanııaǵa avtokólikpen jetkizilip, odan keıin alty saǵattyq ushaq saparymen Qazaqstanǵa jetti. Ári qaraı olardy taǵy 20 mınýttyq vertoletpen qoryqqa jetkizgen. Bul saparǵa daıyndyq birneshe onjyldyqtardy qamtyǵan.
Qazaqstan osy jobany 2010 jyly jarııalaǵan jáne keıinirek Ile-Balqash memlekettik tabıǵı qoryǵy quryldy. Odan beri jolbarystar úshin qajetti jaǵdaılar jasaldy, orman alqaptary ósirildi, ańdar kóbeıtilip, olardyń tabıǵı azyǵy daıyndaldy. Joba saıası erik-jiger men tıisti qorǵaý sharalarynyń arqasynda tabysty boldy.
Jolbarystardyń Qazaqstandaǵy popýlıaııasy bolashaqta artyp, 2035 jylǵa qaraı qoryqta 50 úlken mysyq ómir súretin bolady dep boljanýda. Zoologtar bul jobany tabıǵat saqtaý isindegi mańyzdy qadam dep atap, ony tek óńirge ǵana emes, búkil álemge úmit syılaıtyn joba retinde baǵalaýda.
