ورتالىق مەملەكەتتىك كينوفوتوقۇجاتتار مەن دىبىس جازبالار مۇراعاتىنىڭ دەلەگاتسياسى موڭعوليانىڭ ۇلان-باتىر قالاسىنا جۇمىس ساپارىمەن باردى، دەپ حابارلايدى "ادىرنا" ۇلتتىق پورتالى Liter.kz-كە سىلتەمە جاساپ.
قازاقستان رەسپۋبليكاسى مادەنيەت جانە اقپارات مينيسترلىگىنىڭ مالىمەتىنشە، عىلىمي-زەرتتەۋ جۇمىسى بارىسىندا موڭعوليانىڭ ۇلتتىق مۇراعاتىنان قازاقستانعا قاتىستى قۇندى ماتەريالدار تابىلعان.
مۇراعاتتان 90 فوتوقۇجات پەن جالپى ۇزاقتىعى 92 مينۋتتىق كينوفيلمنىڭ كوشىرمەسى الىنعان.
كينوفيلمدە بايان-ولگەي ايماعىنىڭ مەرەيتويلىق ءىس-شارالارىنان كورىنىستەر قامتىلعان، وندا قازاقستاندىق دەلەگاتسيا جەرگىلىكتى قازاقتاردىڭ ومىرىمەن تانىسقان.
فوتوقۇجاتتاردا بايان-ولگەي ايماعىنداعى قازاق حالقىنىڭ تۇرمىسى، جەرگىلىكتى تەاتر ارتىستەرىنىڭ ونەرلەرى جانە ءار جىلدارى موڭعولياعا ساپار جاساعان تانىمال تۇلعالار بەينەلەنگەن.
