Qaraǵandyda asa iri kólemde esirtki tasymaldaǵan Saryózek áskerı garnızony Qarýly Kúshteri dıvızıonynyń komandıri ustaldy. Bul týraly oblystyq polıııa departamenti aıtty, dep habarlaıdy «Adyrna» tilshisi.
«10 qarashada Balqash-Saryshaǵan avtojolynda patrýldik polıııa batalony patrýldeý barysynda 31 jastaǵy azamat basqaratyn Geely Coolray avtomashınasyn toqtatty. Aıaldamanyń sebebi jol qozǵalysy erejelerin buzý boldy. Avtokólikti tekserý barysynda bagaj bóliminde jalpy salmaǵy shamamen 12 kg bolatyn aq tústi untaqty zattyń 18 paketi tabyldy. Oqıǵa ornyna tergeý-jedel toby shaqyryldy, olar tyıym salynǵan zattyń bar ekendigine kúdikti rastady»,—dedi PD.
Qazirgi tańda bul oqıǵa boıynsha qylmystyq is qozǵalyp, kúdikti ustaý ızolıatoryna qamaldy.
Qurlyq áskerleriniń baspasóz qyzmeti esirtki tasymaldaǵan áskerı qyzmetkerdiń eńbek demalysynda bolǵanyn málimdedi.
«Saryózek garnızony áskerı bólimderiniń biriniń demalysta bolǵan áskerı qyzmetkerin Ulttyq qaýipsizdik komıtetiniń Jetisý oblysy boıynsha departamentiniń qyzmetkerleri esirtki tasymaldap jatqan jerinde ustady. Qylmystyq is qozǵalyp, jedel-izdestirý sharalary júrgizilip jatyr. Qurlyq áskerleri oqıǵany obektıvti tekserý úshin quqyq qorǵaý organdaryna kómek kórsetip jatyr»,– delingen habarlamada.
