Reseı prezıdentiniń baspasóz hatshysy Dmıtrıı Peskov Vladımır Pýtınniń AQSh prezıdenttik saılaýynda jeńiske jetken Donald Trampty quttyqtaý jospary joq ekenin málimdedi, dep habarlaıdy "Adyrna" ulttyq portaly Kazinform agenttigine silteme jasap.
Kremldiń resmı ókili bul jaǵdaıdyń «Reseıge dostyq peıili joq elge» qatysty ekenin eske saldy.
"AQSh prezıdentin saılaý — bul AQSh-tyń ishki máselesi", - dep atap ótti Peskov.
Ol sondaı-aq Donald Tramptyń AQSh prezıdenti qyzmetine resmı túrde kirisýin kútý qajettigin eske saldy.
Peskovtyń aıtýynsha, AQSh pen Reseı arasyndaǵy qarym-qatynas tarıhı turǵyda eń tómengi deńgeıde tur jáne odan ári nasharlatý múmkin emes deýge bolady. Peskov Pýtınniń ádildikke, teńdikke jáne eki eldiń ortaq múddelerine negizdelgen syndarly dıalogqa daıyn ekenin birneshe ret aıtqanyn eske saldy.
Buǵan deıin respýblıkalyq partııanyń kandıdaty Donald Tramp Amerıka Qurama Shtattarynyń prezıdenti bolyp saılanǵanyn jazǵan edik.
