Astanada álemdik bestseller – Denıel Kızdiń tuńǵysh ret qazaq tilinde jaryq kórgen «Aljernonǵa arnalǵan gúl» romanynyń tusaýkeseri ótti. Kitapty aýdarýǵa jáne basyp shyǵarýǵa atsalysqan – Allur qazaqstandyq avtomobıl kompanııasy jáne «Mazmundama» baspasy.
Is-shara jańa kitaptyń tusaýkeserimen qatar, sheteldik shyǵarmalardy qazaq tiline beıimdeý máselelerin de qozǵady. Sharada spıker retinde «Mazmundama» baspasynyń negizin qalaýshy Shyńǵys Muqan, Allur ókili Aıgúl Ahmetova jáne Ulttyq akademııalyq kitaphananyń dırektory Ǵazıza Qudaıbergen sóz sóıledi, al jıynnyń moderatory Perızat Myrzahmet boldy. Qatysýshylar aýdarý isi, túpnusqanyń stılıstıkalyq jáne oı tereńdigin saqtaý, sonymen qatar baspagerlerdiń mátindi qazaqtildi oqyrman úshin beıimdeý kezinde tap bolatyn qıyndyqtardy atap ótti.
Aýdarý quqyǵyna qol jetkizýge baspa ókilderi úsh jyl jumsaǵan. Aýdarmanyń ózi de birtalaı ýaqyt jasalǵan. Araǵa bes jyl salyp, osyndaı shyǵarma qazaqstandyq oqyrmanǵa jol tapty.
«Bul aýdarmany júzege asyrý basqa jumystarmen salystyrǵanda qıyndaý ótti. Sebebi bul kitap aqyl-oıynyń damýynda kemshiligi bar, orfografııa men pýnktýaııanyń erejelerin bilmeıtin, qalaı estise, solaı jazatyn balanyń júrgizetin kúndeligi retinde jazylǵan. Osy sebepten alǵashqy bólimderdi oqý kezinde qıyndyqtar týyndaýy múmkin. Bul roman aqyl-oıynyń damýynda erekshelikteri bar adamdardyń taǵdyryna nazar aýdarýǵa múmkindik beredi, osydan 50-60 jyl buryn Amerıkada basyp shyǵarylsa da, áli kúnge deıin ózektiligin joǵaltpaǵan», - dep atap ótti Shyńǵys Muqan, «Mazmundama» baspasynyń ókili.
«Biz osyndaı ulttyq qundylyqtardy, mádenı murany, memlekettik tildi ilgeriletýge jáne saqtaýǵa kómektesetin áleýmettik bastamalardy qýana qoldaımyz. Bul bizdiń mıssııamyzǵa jáne basymdylyq beretin baǵyttarymyzǵa sáıkes keledi. Týǵan tilimizde kontent shyǵaryp, ony popýlıarızaııalaýǵa atsalysý – kompanııanyń qoǵamnyń damýyna qosatyn úlesi. Bizdiń qazaqstandyq oqyrmannyń bul shyǵarmaǵa joǵary baǵa beretinine senimimiz mol. Bul bastamamen toqtap qalmaı, jas býynnyń kitap oqýǵa degen qyzyǵýshylyǵyn arttyrý maqsatynda osy baǵyttaǵy jumysty jalǵastyratyn nıetimiz bar», - dedi Aıgýl Ahmetova, Allur kompanııasynyń ókili.
Kitap tanymal dúkender men marketpleısterdiń sórelerinde paıda boldy.
Denıel Kız — Hıýgo jáne Nebıýla syılyqtaryna ıe bolǵan aıryqsha avtor. Onyń shyǵarmalary tereń fılosofııalyq oılary men áserli stıliniń arqasynda búkil álem boıynsha oqyrmandardyń súıispenshiligine bólengen.
