Qazaqstanda jeke balabaqshalarǵa lıenzııa engizý múmkindigi talqylanýda, dep habarlaıdy "Adyrna" ulttyq portaly.
Bilim mınıstri Ǵanı Beısembaev Májiliste sóılegen sózinde mınıstrlik birinshi kezekte balalar úshin qaýipsiz ortany qurýǵa kóńil bóletinin atap ótti. Búginde elimizdegi jekemenshik balabaqshalardyń sany memlekettik balabaqshalardyń sanymen birdeı.
"Bul jaǵdaıǵa tereńirek qarap, kez kelgen sheshimdi abaılap qabyldaý kerek. Keri áser etetin basqa jaǵdaıdy týyndatyp almaýymyz qajet. Kópshilik kelisedi dep oılaımyn, memlekettik mekemelerden kem emes, joǵary deńgeıde jumys isteıtin jeke bilim berý uıymdary bar. Sondyqtan lıenzııalaý máselesin tolyqtaı, muqııat talqylaý kerek, tepe-teńdik qajet", – dedi Ǵanı Beısembaev.
Ol lıenzııalaý 2025 jylǵy qańtardan bastap engizilse, kóptegen jeke balabaqshalar ózgeristerge daıyn bolmaıtynyn túsindirdi. Sonymen qatar, jańa talaptar vedomstvoǵa qatysty narazylyq, túsinbeýshilik týdyrýy múmkin ekenin aıtty.
"Biz barlyq detaldardy talqylap, zerttep, bárine yńǵaıly, eń bastysy – balalardyń qaýipsizdigin qamtamasyz etetin sheshim qabyldaýymyz kerek. Tek lıenzııalaý úshin ǵana lıenzııalaý durys emes dep sanaımyn. Biz buǵan gýmandyqpen, aqylmen, eshteńeni qıratpaı jetýimiz kerek", – dedi mınıstr.
Májilis depýtaty Marat Báshimov kásipkerdiń quqyqtary balalardyń quqyqtary bastalǵan jerde aıaqtalatynyn basa aıtty. Ol tártip ornatý maqsatynda balabaqshalardy lıenzııalaýdy qoldaıdy.
"Lıenzııalaýdy engizý kerek. Tárbıe berý mekemelerindegi jaǵdaı adam quqyqtaryna, Konstıtýııaǵa sáıkes kelmeıdi. Bir jerde uıyqtaýǵa, bir jerde tamaqtanýǵa bolmaıdy. Olarda otbasydaǵydaı jaǵdaı bolýy kerek, balalar qarapaıym demalýy qajet. Taǵy da aıtamyn: 10 sharshy metrge 50 adamdy toptastyryp, bir-birine kedergi keltirip, 5-6 retten aýyryp jatsa, bul balalardyń densaýlyqqa degen quqyǵyna sáıkes kelmeıdi", – dedi ol.
