2024 jylǵy 6 qarashada ótken úkimet otyrysynda Indýstrııa jáne qurylys vıe-mınıstri Qýanysh Qajkenov turǵyn úı alý barysynda erekshe qajettilikteri bar adamdar úshin qandaı artyqshylyqtar qarastyrylǵanyn aıtty, dep habarlaıdy «Adyrna» ulttyq portaly.
Qýanysh Qajkenov turǵyn úı saıasatyn reformalaý jumystary júrip jatqanyn atap ótti.
«Qazirgi ýaqytta áleýmettik osal toptar men múmkindigi shekteýli balalardy tárbıelep otyrǵan otbasylarǵa jáne I-II toptaǵy múgedektigi bar adamdarǵa buryn berilgen jalǵa beriletin turǵyn úılerdi satyp alý quqyǵynsyz jekeshelendirý quqyǵyn berý jóninde ózgerister engizý qarastyrylýda. I-II toptaǵy múgedektigi bar adamdar kommýnaldyq turǵyn úıdi tegin jekeshelendire alady», – dedi Qýanysh Qajkenov.
Onyń aıtýynsha, múmkindigi shekteýli balalary bar nemese olardy tárbıelep otyrǵan otbasylarǵa, sondaı-aq I-II toptaǵy múgedektigi bar adamdarǵa zań jobasy aıasynda baspana alý kezinde birinshi kezekte quqyq berý qarastyrylǵan. Bul shara múgedektigi bar adamdardyń turǵyn úı jaǵdaıyn jaqsartýǵa múmkindik beredi dep atap ótti.
