Naýryz aıynda «Merkýr Taýn» turǵyn úı kesheniniń kúzetshisin birneshe ret kólikpen basyp ketken burynǵy depýtattyń ulyna qatysty is týraly Almaty qalasy Polıııa departamenti málimdeme jasady, dep habarlaıdy «Adyrna» ulttyq portaly.
«Kúdikti dereý qamaýǵa alyndy. Buryn sotqa deıingi tergeý merzimi sot-psıhıatrııalyq saraptama júrgizilýine baılanysty toqtatylǵan bolatyn. Qazirgi ýaqytta is qaıta jandanyp, tıisti saraptamalar taǵaıyndaldy. Tergeý aıaqtalǵannan keıin qylmystyq is materıaldary sotqa jiberiledi», – dep habarlady polıııa ókilderi.
Buǵan deıin Almaty prokýratýrasy kúdiktiniń ýaqytsha psıhıkalyq aýytqýy nemese basqa da aýyr syrqatqa baılanysty sotqa deıingi tergeý merzimin toqtatý týraly sheshim qabyldanǵanyn habarlaǵan bolatyn.
Esterińizge sala keteıik, «Merkýr Taýn» turǵyn úı kesheniniń turǵynynyń kúzetshini birneshe ret jol talǵamaıtyn kólikpen basyp, keıin onyń basynan sekirgen qatygez áreketi vıdeoǵa túsip qalǵan edi. Oqıǵa naýryzdyń 28-inen 29-yna aýǵan túni bolǵan. Kúzetshi aýyr halde aýrýhanaǵa jetkizilgenimen, sol jerde kóz jumdy.
Keıinnen kúzetshini óltirgen azamattyń týystary marqumnyń otbasyna aqsha usynǵany belgili bolǵan edi.
