«Nevada-Semeı» halyqaralyq antııadrolyq qozǵalysynyń belsendileri men ardagerleri prezıdent Qasym-Jomart Toqaevqa úndeý joldady.
Qazaqstan respýblıkasynyń prezıdenti Toqaev Qasym-Jomart Kemelulyna úndeý
1989 jyldyń 19-qazanynda Sovet Odaǵynda, planetadaǵy eń iri Semeı synaq polıgonynda sońǵy ıadrolyq jarylys boldy, oǵan bıyl 35 jyl toldy. 40 jyldyq synaqta 468 ıadro bombasy jarylypty.
Polıgon 1989 jyldyń 28-aqpanynda qurylǵan «Nevada-Semeı» halyqaralyq antııadrolyq qozǵalysynyń qýatty is-qımylynyń arqasynda Qazaqstannan, Reseıden jáne basqa respýblıkalardan alǵashqy aptalarda-aq óz qataryna eki mıllıonnan astam belsendi qatysýshyny qabyldaǵan. Qozǵalys jańa modeldi – halyqtyq jáne parlamenttik dıplomatııanyń ózara is-qımylyn qoldana otyryp, jalpyǵa birdeı ıadrolyq qarýsyzdanýǵa alǵashqy qadam jasaı otyryp, jetistikke jetti. Biz sol kezde jumys istep turǵan barlyq bes synaq polıgonyna moratorıı qoıdyrýǵa qol jetkizdik.
Sol tarıhı kúnderde halyq birigip, búkil álemdi bizdiń is-áreketimiz ben sózimizdi estýge, jaýap berýge májbúr etti.
Búgingi tarıhı tájirıbeni túsiný bizge bolashaqqa – sanaly ózara táýeldilik dáýirine jol ashýǵa múmkindik beredi. Tarıh halyqtardy joldyń osyndaı formýlasyna alyp keledi.
Búginde «Nevada-Semeı» halyqaralyq antııadrolyq qozǵalysy jurt sanasynda beıbitshilik muratyn bekitýdi jalǵastyryp otyr. Qozǵalystyń halyqaralyq qaýymdastyq moıyndaǵan eńbegin eskere otyryp, onyń arhıvi IýNESKO-nyń sheshimimen IýNESKO-nyń «Beıbitshilik jady» derekti murasynyń Dúnıejúzilik tizimine engizildi.
Biz 19-qazandy ataýly kún dep sanaýdy jáne bul kúndi Semeı polıgonyndaǵy ıadrolyq synaqty toqtatý kúni retinde Qazaqstannyń ataýly kúnderiniń kúntizbesine engizýdi usynamyz.
Qurmetpen,
Semeı ıadrolyq synaq polıgonyndaǵy sońǵy ıadrolyq jarylystyń 35 jyldyǵyna arnalǵan halyqaralyq konferenııasyna qatysýshylar,
«Nevada-Semeı» halyqaralyq antııadrolyq qozǵalysynyń belsendileri men ardagerleri
