«نەۆادا-سەمەي» حالىقارالىق انتيادرولىق قوزعالىسىنىڭ بەلسەندىلەرى مەن ارداگەرلەرى پرەزيدەنت قاسىم-جومارت توقاەۆقا ۇندەۋ جولدادى.
قازاقستان رەسپۋبليكاسىنىڭ پرەزيدەنتى توقاەۆ قاسىم-جومارت كەمەلۇلىنا ۇندەۋ
1989 جىلدىڭ 19-قازانىندا سوۆەت وداعىندا، پلانەتاداعى ەڭ ءىرى سەمەي سىناق پوليگونىندا سوڭعى يادرولىق جارىلىس بولدى، وعان بيىل 35 جىل تولدى. 40 جىلدىق سىناقتا 468 يادرو بومباسى جارىلىپتى.
پوليگون 1989 جىلدىڭ 28-اقپانىندا قۇرىلعان «نەۆادا-سەمەي» حالىقارالىق انتيادرولىق قوزعالىسىنىڭ قۋاتتى ءىس-قيمىلىنىڭ ارقاسىندا قازاقستاننان، رەسەيدەن جانە باسقا رەسپۋبليكالاردان العاشقى اپتالاردا-اق ءوز قاتارىنا ەكى ميلليوننان استام بەلسەندى قاتىسۋشىنى قابىلداعان. قوزعالىس جاڭا مودەلدى – حالىقتىق جانە پارلامەنتتىك ديپلوماتيانىڭ ءوزارا ءىس-قيمىلىن قولدانا وتىرىپ، جالپىعا بىردەي يادرولىق قارۋسىزدانۋعا العاشقى قادام جاساي وتىرىپ، جەتىستىككە جەتتى. ءبىز سول كەزدە جۇمىس ىستەپ تۇرعان بارلىق بەس سىناق پوليگونىنا موراتوري قويدىرۋعا قول جەتكىزدىك.
سول تاريحي كۇندەردە حالىق بىرىگىپ، بۇكىل الەمدى ءبىزدىڭ ءىس-ارەكەتىمىز بەن ءسوزىمىزدى ەستۋگە، جاۋاپ بەرۋگە ءماجبۇر ەتتى.
بۇگىنگى تاريحي تاجىريبەنى ءتۇسىنۋ بىزگە بولاشاققا – سانالى ءوزارا تاۋەلدىلىك داۋىرىنە جول اشۋعا مۇمكىندىك بەرەدى. تاريح حالىقتاردى جولدىڭ وسىنداي فورمۋلاسىنا الىپ كەلەدى.
بۇگىندە «نەۆادا-سەمەي» حالىقارالىق انتيادرولىق قوزعالىسى جۇرت ساناسىندا بەيبىتشىلىك مۇراتىن بەكىتۋدى جالعاستىرىپ وتىر. قوزعالىستىڭ حالىقارالىق قاۋىمداستىق مويىنداعان ەڭبەگىن ەسكەرە وتىرىپ، ونىڭ ءارحيۆى يۋنەسكو-نىڭ شەشىمىمەن يۋنەسكو-نىڭ «بەيبىتشىلىك جادى» دەرەكتى مۇراسىنىڭ دۇنيەجۇزىلىك تىزىمىنە ەنگىزىلدى.
ءبىز 19-قازاندى اتاۋلى كۇن دەپ ساناۋدى جانە بۇل كۇندى سەمەي پوليگونىنداعى يادرولىق سىناقتى توقتاتۋ كۇنى رەتىندە قازاقستاننىڭ اتاۋلى كۇندەرىنىڭ كۇنتىزبەسىنە ەنگىزۋدى ۇسىنامىز.
قۇرمەتپەن،
سەمەي يادرولىق سىناق پوليگونىنداعى سوڭعى يادرولىق جارىلىستىڭ 35 جىلدىعىنا ارنالعان حالىقارالىق كونفەرەنتسياسىنا قاتىسۋشىلار،
«نەۆادا-سەمەي» حالىقارالىق انتيادرولىق قوزعالىسىنىڭ بەلسەندىلەرى مەن ارداگەرلەرى
