Qazaqstandyq bokstan orta salmaqtaǵy álem chempıony Jánibek Álimhanuly (16-0, 11 KO) meksıkalyq Saýl Kanelo Alvareske (62-2-2, 39 KO) qarsy jekpe-jek týraly málimdeme jasady, dep habarlaıdy «Adyrna» ulttyq portaly.
IBF jáne WBO tıtýldarynyń ıegeri meksıkalyq chempıonnyń onymen chempıondyq belbeý úshin judyryqtasýdan bas tartqanyn aıtty.
«Kanelomen jekpe-jek ótkizgim keletinin bári biledi, biraq ol menimen judyryqtasqysy kelmeıdi, muny bári biledi», - dedi Álimhanuly áleýmettik jelide.
Aıta keteıik, boksshylar ár túrli salmaq dárejesinde: Álimhanuly orta salmaqta (72,5 kılogramǵa deıin), al Kanelo ekinshi orta salmaqta (76,2 kılogramǵa deıin) óner kórsetedi. Buǵan deıin jankúıerler boksshylarǵa betpe-bet kezdesý ótkizýdi usyndy. Olardyń keıbireýleri Kanelo jekpe-jektiń favorıti dep sanaıdy.
Jánibek Álimhanuly kásibı mansabyn 2016 jyly bastap, 11-shi jekpe-jeginde orta salmaqta (72,5 kılogramǵa deıin) WBO tujyrymy boıynsha álem chempıony ataǵyn jeńip aldy. 2023 jyldyń qazan aıynda Álimhanuly tehnıkalyq nokaýtpen nemis Vıncheno Gýaltıerıdi jeńip, IBF belbeýin ıelendi. Mıhaılovıchke qarsy jekpe-jekte Álimhanuly birinshi ret ataǵyn qorǵap, 16 jekpe-jekte 16-shy jeńisine qol jetkizdi.
Saýl Kanelo Alvares kásipqoı rıngke alǵash ret 2005 jyly shyqqan. Sodan beri meksıkalyq ártúrli salmaq sanattarynda birneshe ret tıtýldardy jeńip alyp, sýper orta salmaqta (76,2 keli) absolıýtti álem chempıony atandy. Ol qazaqstandyqtarǵa 2017-2022 jyldar aralyǵynda «trılogııa» ótkizgen áıgili Gennadıı Golovkınniń básekelesi retinde tanymal. Birinshi jekpe-jeginde boksshylar teń tússe, ekinshi jáne úshinshi kezdesýde meksıkalyq jeńiske jetti. 15 qyrkúıekke qaraǵan túni sońǵy jekpe-jeginde Saýl Alvares amerıkalyq Edgar Berlangany tóreshilerdiń sheshimimen jeńip, WBC, WBA jáne WBO tıtýldaryn saqtap qaldy.
