Úkimette ótken baspasóz maslıhatynda vıe-premer Jumanǵarın úkimettiń dollar baǵamynyń ósýine baılanysty azyq-túlik baǵasyn qalaı ustap turýdy josparlap otyrǵanyn túsindirdi, dep habarlaıdy «Adyrna» ulttyq portaly.
Onyń aıtýynsha, Qazaqstan áleýmettik mańyzy bar 10 ónimmen ózin tolyq qamtamasyz etedi. Olardyń qatarynda un, tuz, kúrish, makaron, maı, kartop, qoı eti, sıyr eti, sábiz bar. Taǵy 14 ónim boıynsha qamtamasyz etý deńgeıi 80%-dan asady, al keıbir ónimderde ımportqa táýeldilik bar: mysaly, qus etimen qamtamasyz etý 73%, shujyq — 60%, balyq — 60%, irimshik pen súzbe — 46%, qant — 44%.
Sondaı-aq, Qazaqstanda óndirilmeıtin ónimder, mysaly, apelsın, banan, lımon sııaqty keıbir jemister men kókónisterdiń qymbattaýy múmkin ekeni aıtyldy. Alaıda Jumanǵarın olardyń baǵasy aıtarlyqtaı kóterilmeıtinin atap ótti.
Sonymen qatar, Eýrazııalyq ekonomıkalyq komıssııanyń alańynda osy ónimderge arnalǵan kedendik bajdardy tómendetý máselesi qarastyrylyp jatqanyn málimdedi. Bul sheshim jaqyn arada qabyldanady dep kútilýde.
Jumanǵarın sońǵy aptadaǵy baǵa monıtorıngine sáıkes, dúkenderdegi baǵalar aıtarlyqtaı ózgermegenin atap ótti.
