Almatydaǵy Túrksib aýdanynyń ekonomıkasy turaqty ári serpindi damyp otyr. Bul týraly qala ákimi Erbolat Dosaev aýdan turǵyndarymen kezdesý barysynda aıtty. Qala basshysynyń aıtýynsha, negizgi kapıtalǵa salynǵan ınvestıııa 9 aıdyń ishinde 21%-ǵa, onyń ishinde jeke ınvestıııa 27%-ǵa ósken. Barlyǵy 150 mlrd teńge ınvestıııa tartyldy.
«Aýdanda jumys istep turǵan bıznes sýbektileriniń sany 7,8%-ǵa ósti. Búgingi kúni aýdanda 29 myńnan astam bıznes sýbektisi belsendi jumys istep jatyr, bul salyq túsimin 164 mlrd teńgege deıin ulǵaıtýǵa, sondaı-aq 3,5 myń jańa turaqty jumys ornyn ashýǵa múmkindik berdi», - dedi Erbolat Dosaev.
2024 jyly aýdannyń bıýdjeti ótken jylmen salystyrǵanda 4 ese ulǵaıdy. Máselen, 2023 jyldyń basynda bıýdjet 5,4 mlrd teńge bolsa, 2024 jyldyń basynda ol 21,3 mlrd teńgege jetti.
2024 jyldyń maýsymynda aýdan bıýdjeti taǵy 9%-ǵa ósip, 23,5 mlrd teńgege jetti, bul ınjenerlik jáne jol ınfraqurylymyn jańǵyrtýǵa, sondaı-aq qoǵamdyq keńistikterdi kóriktendirýge baǵyttalǵan jobalardy júzege asyrýǵa múmkindik berdi, dep atap ótti Almaty ákimi.
Aıta keteıik, Almaty qalasynyń ekonomıkasynda jalpy joǵary ınvestıııalyq belsendilik baıqalady.
Bıylǵy 9 aıdyń qorytyndysy boıynsha negizgi kapıtalǵa 1 133 mlrd teńge ınvestıııa tartylyp, ósim 8,1% boldy. 2024 jyldyń basynan beri jergilikti bıýdjetke túsim 27,2%-ǵa ósti, bul «Almatyny damytý baǵdarlamasy 2025 jylǵa deıin jáne 2030 jylǵa deıingi orta merzimdi perspektıvasy» aıasynda basym jobalardy qarjylandyrýdy ulǵaıtýǵa múmkindik berdi. 2024 jyldyń basynan bastap Almatynyń bıýdjeti 204,5 mlrd teńgege kóbeıip, 1 828,5 mlrd teńgege jetti.
