Týrızm jáne sport mınıstri Erbol Myrzabosynov fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tiline qatysty aıtqanyn endi «sátsiz ázil» dep baǵalady. Biraq ol qazaqstandyqtardy tolerantty bolýǵa jáne Reseıden kelgen bapkerdi eńbeginiń nátıjesine qarap baǵalaýǵa shaqyrdy.
«Stanıslav Cherchesovtyń «franýz tili» týraly ázili sátsiz boldy. Muny Qazaqstan fýtbol federaııasy da, bapkerdiń ózi de jaqsy túsinedi. Degenmen, Cherchesovtyń mindeti – bizdiń komandany jańa deńgeıge kóterý. Ony eń aldymen jumysyna qarap baǵalaıyq», - dep jazdy Týrızm jáne sport mınıstrliginiń basshysy Facebook paraqshasynda.
Myrzabosynov qazaqtardyń ejelden qonaqjaı, tózimdi halyq bolǵanyn eske saldy.
«Sondyqtan, men jaǵdaıdy ýshyqtyrmaýǵa jáne bizge tán jomarttyǵymyz ben jaıbaraqattyǵymyzdy kórsetýge shaqyramyn. Kez kelgen máseleni túsinistikpen, baısaldylyqpen sheshýge qabiletti dana, tolerantty, órkenıetti qoǵam ekenimizdi kórseteıik. Stanıslav Cherchesov – halyqaralyq tájirıbesi bar jáne fýtbolda 20 jyldyq mansaby bar tanymal maman. Ol qazaqstandyq jankúıerlerdiń senimin aqtap, ulttyq quramany qıyn jaǵdaıdan jańa deńgeıge alyp shyǵady dep senemin», - dep túıindedi sózin sport mınıstri.
Esterińizge sala keteıik, Ulttar lıgasy aıasynda Slovenııamen ótken machtan keıingi baspasóz konferenııasynda marqum Amangeldi Seıithannyń uly Begasyl Seıithan Stanıslav Cherchesovke qazaq tilinde suraq qoıyp bastaıdy. Bas bapker jýrnalıstiń ústine Franııanyń PSJ klýbynyń jeıdesin kıip alǵanyn ázilge aınaldyrǵysy keldi me, áıteýir «Sen qaı tilde sóılep tursyń – franýzsha ma?» dep sózin bóldi. Sonan soń basyn ızep, suraǵyn jalǵastyrýǵa bolatynyn ańǵartty.
Osydan keıin elde narazylyq tolqyny kóterildi. El parlamentiniń depýtattary jaǵdaıǵa toqtalyp, Qazaqstan Respýblıkasyna jumys isteýge kelgender qazaq tilin qurmetteý kerektigin aıtty. Al qazaqstandyq «Qaırat» klýbynda birneshe jyl oınaǵan reseılik fýtbolshy Andreı Arshavın Cherchesovtyń «ázilinde» astarly mátin joq ekenin aıtty.
Sport mınıstrligi áý basta bul oqıǵaǵa reakııa bildirip, Reseı bapkeriniń "sózderi konteksten julyp alyndy jáne Cherchesovtyń sózi jaı atmosferany seıiltý úshin aıtylǵan" dep málimdegen fýtbol federaııasynan túsinikteme talap etti. Nátıjesinde bapkerge aıyppul salyndy.
