Búgin, 7 qazan kúni Reseı astanasy Máskeýde TMD elderi basshylarynyń kezekti keńesi ótedi. Kóshbasshylar TMD sheńberindegi ózara is-qımyl týraly pikir almasyp, 2025 jyly uıymǵa kimniń tóraǵalyq etetinin anyqtaıdy, dep habarlaıdy «Adyrna» tilshisi 24.kg-ge silteme jasap.
Sondaı-aq memleket basshylary aldaǵy 3 jylǵa Dostastyqtyń mádenı astanalaryn jarııalaý týraly sheshimge qol qoıyp, quqyqtyq ózara is-qımyl men qaýipsizdikti qamtamasyz etýge qatysty birqatar qujatqa túzetý engizbek.
Bul kezdesý Reseı prezıdenti Vladımır Pýtınniń týǵan kúnimen tuspa-tus kelip otyr. Búgin kórshi el basshysy 72 jasqa toldy. Ázirge Tájikstan, Qyrǵyzstan jáne Ózbekstan prezıdentteri Máskeýge barǵandaryn rastady. Sondaı-aq kezdesýge Qazaqstan, Ázirbaıjan, Túrikmenstan, Armenııa men Belarýs basshylary da qatysady dep kútilip otyr.
