22 qyrkúıek kúni Abaı oblysynda Qazaqstannyń halyq ártisi, KSRO halyq ártisi, Abaı oblysynyń qurmetti azamaty, ánshi Bıbigúl Tólegenovanyń 95 jasqa tolýyna arnalǵan «Qazaqtyń Bıbigúli – halyqtyń bulbul úni» atty konert ótti. Bul týraly oblystyq ákimdiktiń baspasóz qyzmeti aıtty, dep habarlaıdy «Adyrna» tilshisi.
Án keshinde otandyq jáne sheteldik kompozıtorlardyń operalarynan arııalar, halyq ánderi, romanstar, orkestrlik shyǵarmalar oryndaldy.
Konertte Ámire Qashaýbaev atyndaǵy Memlekettik fılarmonııa janyndaǵy «Bıbigúl» qazaq halyq aspaptar orkestri, mádenıet salasynyń úzdigi Nurbek Ómirbekov, respýblıkalyq konkýrstardyń laýreaty, Ámire Qashaýbaev atyndaǵy Memlekettik fılarmonııanyń ánshisi Áıgerim Toqtybaeva, respýblıkalyq konkýrstardyń laýreaty, Abaı oblysy ákiminiń estradalyq-sımfonııalyq orkestriniń solısi Áıgerim Áshirova óner kórsetti.
Sondaı-aq kesh qonaqtarynyń qatarynda Qazaqstannyń eńbek sińirgen ártisi Maıra Ilıasova, Qazaqstannyń eńbek sińirgen qaıratkeri Tolqyn Zabırova, Qazaqstannyń eńbek sińirgen qaıratkerleri Azamat Jyltyrkózov, Jupar Ǵabdýllına, Bıbigúl Tólegenovanyń Halyqaralyq vokalıster baıqaýynyń jeńimpazy Nurjan Bajekenov syndy óner sańlaqtary boldy.
«Qazaqtyń shoq juldyzy, álemge áıgili soprano daýysynyń ıesi Bıbigúl Ahmetqyzy Tólegenovanyń mereıtoıyna arnalǵan merekelik konertke jınalyp otyrmyz. Asa qadirli Bıbigúl Ahmetqyzy, ǵajaıyp daýsyńyzben qazaq án ónerin bıikke kóterip, ulttyq mádenıetimizdiń asyl murasyn álemge tanytýda qosqan úlesińiz elden eren. Sizge myqty densaýlyq, baıandy ǵumyr tileımiz. Aldaǵy ýaqytta da ónerińizden nár alyp, jastarymyz sizdiń eńbek jolyńyzdy úlgi etedi dep senemiz», — dedi óz quttyqtaýynda oblys ákimi Nurlan Uranhaev.
Qazaq dalasyn óz ánderimen terbetken tanymal talant ıesi 1929 jyly 16 jeltoqsanda Semeı qalasynda dúnıege kelgen. Almaty memlekettik konservatorııasyn (Qurmanǵazy atyndaǵy Qazaq ulttyq konservatorııasyn) bitirgen.
View this post on Instagram
<
