Shákárim ýnıversıtetiniń oqytýshysy, mádenıet salasynyń úzdigi, tanymal ánshi Qaırat Qabyshev Gınnestiń rekordtar kitabyna úzilissiz 100 án oryndaýǵa ótinish berdi. Osy erekshe maqsatqa oraı 12 qarasha kúni Semeıde joldama konerti uıymdastyryldy.
Bul sharanyń basty maqsaty – qazaq ániniń baı murasyn, onyń bıiktigi men sulýlyǵyn álemge tanytý jáne qazaq ánshisiniń daýys qýatynyń erekshe ekenin dáleldeý. Kelesi kezeńde Gınnes rekordtar kitabynyń ókilderi arnaıy kelip, Qaırat Qabyshevtiń úzilissiz 100 án oryndaý rekordyn kýálandyrý úshin tyńdaýǵa qatysatyn bolady.
Konert kórermenderge erekshe áser qaldyrǵan sııaqty. Tamashalaýshylar Qaırat Qabyshevtiń ónerine zor qoldaý kórsetildi. Osy kesh kórermeni bolǵan belgili ǵalym, professor Amantaı Isın áleýmettik jelidegi paraqshasynda óz áserimen bólisken. «Búkil ujymǵa búgin tolassyz 100 án oryndaýshynyń jeke konerti buıyrdy. Bul – bolyp kórmegen qubylys, ánshiniń de, tyńdarmannyń da baqyty. Buryn armandaýshy edik, shirkin, Mádenıet, Bolat, Sanaq, Keldenbaı, Tursynǵazy, Nurıden, Amangeldi aıta tússe eken qatarymen kóp ándi dep. Sahnaǵa bir-eki, ári ketkende úsh ánmen shyǵyp júrdi ǵoı ol dúldúlder. Myna ıdeıa qatty unady. Qaırat Qabyshev tolassyz 100 ándi kásibı asqan sheberlikpen jáne asqaq daýysymen aıta alatynyna, elimizdegi bes án mektebinen taraǵan ánderdi óz mánerinde, óz boıaýynda jetkize alatyndyǵyna kózimiz jetti!» - dep jazdy ol.
Osy oraıda, ánshi Qaırat Qabyshevpen tildesip, konertten alǵan áserin suradyq.
QURMANBEK JANDARBEKOVTAN KEIINGI TALAP
- Án keshi qansha ýaqytqa sozyldy? Naqty neshe án shyrqaldy? Bul ıdeıa qaıdan týdy?
- Án keshi 2 saǵat 15 mınýtqa sozyldy. 25 ándeı oryndaldy ǵoı deımin. Kezinde aýyl-aýyldy aralap júrdik qoı. Búgingi án keshi sodan týǵan oı boldy. Aýyldy aralaǵanda mıkrofonsyz-aq, saǵattap aıtqan kezderim bolǵan. Keıinnen Kókshetaýǵa da bardym. Sondaǵy tyńdarmandarym suraq qoıatyn edi. «Ana aýylda án aıtyp, túngi 4-ke deıin án aıtqan kezderińiz boldy. Sonda Qaırekeń demalsyn deıtin edi» dedi. Sonda bir jigit: «Aǵa, baıqap otyrmyn, siz uzaǵynan án shyrqap otyrsyz. Qazaqta tańdy-tańǵa jalǵap, án aıtqandar bolǵan. Siz nege solaı aıtyp kórmeısiz?» degen. Oı sodan týǵan ǵoı. Kezinde úlken ansamblde áriptesterim de tańǵalatyn. Grımerka, daıyndyq kabınetime kirip alyp, 3 saǵattap daıyndalatynmyn. Sol kezde ózimniń jaǵdaıymdy bildim. Kóptegen ánshiler bar, birneshe ánnen soń tamaǵy aýyryp qalatyndaryn kórdim. Ózimniń stýdentterim bar, baıqaımyn. Odan keıin kezinde konservatorııaǵa barǵan kezde stýdenttermen kezdesý bolyp, sonda sóılep otyryp, 2,5 saǵat án aıtyppyn. Bir shákirtim suraq qoıyp edi. «Aǵa siz baǵanadan beri sóılep otyrsyz, án salyp otyrsyz. Baıqaımyn, tamaǵyńyz aýyrǵan joq. Al biz 5-6 án aıtsaq, tamaǵymyz aýyryp qalady. Sonyń syryn aıtyńyzshy», - degen bolatyn. Osyndaı-osyndaı áńgimelerdiń bári Gınnestiń rekordtar kitabyna ený týraly ıdeıaǵa bastap ákeldi. Sodan oı týyp, nege sony istemeske dedik. Kezinde Qurmanbek Jandarbekov atamyzdyń osylaı bir demde tolassyz 100 án shyrqaǵany týraly aıtylady. Sonyń bári osy baǵytta jumys isteýge bolatynyn kórsetedi.
ÝNIVERSITETTIŃ 90 JYLDYǴY JÁNE 100 ÁN
- Bul kesh Gınneske jetýge joldama ma?
- Qazaqtyń óziniń qanynda bar ǵoı, talaı ánshi tańdy atyryp án salǵan. Men jańalyq ashyp otyrǵan joqpyn. Sol atadan kele jatqan dástúrdi jalǵastyryp júrmin. Aıta alatynyma sendim. Ýnıversıtet basshylyǵy meni shaqyryp alyp, «bul Gınneske shyǵý úshin dálel kerek. Soǵan oraı Shákárim ýnıversıtetiniń 90 jyldyǵyna arnap, konert berseńiz qalaı bolady? Ary ketse 2 caǵat bolady ǵoı. Sol konertti biz usynsaq, rekordqa qabyldaı ma sosyn aıtady», - dedi. Men kelise kettim. Búgin konertti berip, halyq ta rıza, men de án aıtyp, raqattanyp qaldym. Biraq ary qaraı da ándi aıtýǵa shamam jetetin edi. Oǵan halyq sharshaıdy ǵoı. Sol sebepti búgin ádemi kesh jasadyq. Bul bir Shákárim ýnıversıtetimizdiń 90 jyldyǵyna toı shashý sııaqty boldy. Ózim de rıza boldym. Qazir kóp konertte dástúrli ánshini shyǵarmaıdy ǵoı. Shyqqannyń ózinde 1-2 án aıtqyzady. Bolmasa búkil ánshini jınap alyp, bárine bir-bir shýmaqtan aıtqyzyp qoıady. Ony «Án sherý» dep ataıdy, men ony jek kóremin. Baıaǵyda halyq aldyna shyqqan ánshige 10-15 án aıtqyzyp, jibermeı qoıatyn bolǵan ǵoı. Qazir ondaı joq, azaıyp ketti. Gınnestiń rekordtar kitaby talabymyzdy qabyl alyp jatsa, biz árıne, daıynbyz.
- Kóptiń aldynda án shyrqaý óte qıyn ǵoı. Onyń ústine toqtaýsyz án shyrqaý qanshalyqty qıyn boldy?
- Kóp aldynda án shyrqaý qıyn. Árıne, bizdiń konertimizdiń ereksheligi boldy. Búgin halyq «ana ándi aıtyńyzshy, myna ándi aıtyńyzshy» dep surady. Sol kezde bireýi joǵary ton, bireýi tómen tondaǵy ánderdi surap jatty. Ánnen ánge kóshý ońaı emes. Ánniń de óz obrazy, minezi bar. Kórermen de, ózim de án aıtqan saıyn tamaǵym ashylatynyn baıqadym. Keıbiri meni dál búgin 100 án aıtady dep oılapty. Men 100 ándi Gınnes rekordtar talabyna kelse ǵana aıtamyn. Ony shyrqaý da ońaı emes. Sondyqtan bul konertimiz Gınnestiń rekordtar kitabyna joldama retinde berildi.
- Jıynǵa qansha adam jınaldy?
- Zal ózi 200 adamǵa arnalǵan. Zaldyń bári aqyly ǵoı. Shákárim ýnıversıtetiniń zaly 200 oryndyq. Konert barysynda syımaı, túregep turǵandar da boldy.
«KONERT BOLMAǴAN SOŃ ÓNERPAZ DA BOSAŃSIDY»
- Konertten alǵan áserińiz qandaı? Kóńil kúıińiz jaqsy ma?
- Al endi kóńil kúıim óte jaqsy. Moınymnan aýyr júk tústi. Bul da bir toıǵa shashýym ǵoı. Buryn sońdy ánshilerimiz jandy daýyspen aıtyp júrdi. Qazir kóp aıta almaı júr. Ataqty ánshiniń ózi 7-8 ánnen keıin baryp qyzady eken. Ánshini kórý úshin oǵan ándi kóp aıtqyzý kerek. Sonda ǵana ánshiniń ánshiligin kóre alasyń. Bizde myqty-myqty ánshilerge tek 1-2 án aıtqyzady. Sodan keıin, mysaly, maǵan bireý suraq qoıdy. «Toıda nege dástúrli án aıtylmaıdy?» dep. Toıda durys mıkrofon da bolmaıdy. Kóptegen dástúrli ánshiler dombyrasyn qoıyp, estradaǵa ketip qalyp jatady.
Árıne, mundaı keshter jıi ótip turatyn bolsa jaqsy. Konertterde baıaǵy bir saryn, estrada shyrqalady. Sodan keıin bári bir-birine eredi. Jeke dástúrli án keshi, jeke kúıshiler keshin uıymdastyryp tursa olar da óz qalpyn ustap otyrady ǵoı. Kóptegen myqty kúıshiler bar. Solarǵa «nege kúı tartpaısyń?» dep suraımyn. «Aǵa, kúı tartatyn konert joq qoı» dep aıtady. Konert bolmaǵan soń ónerpaz da bosańsyp, daıyndalmaıdy eken. Sol sebepti osyndaı keshter kóp bolsyn degen tilegim bar. Baıaǵyda «Adyrna» birlestigi Balýan Sholaqtyń án keshin uıymdastyrǵanda halyq 3-4 saǵat ketpeı qoıdy. Sondaı keshter kóp bolsa deımiz.
- Suhbatyńyzǵa rahmet! Talabyńyzǵa jetińiz!
Symbat Naýhan
«Adyrna» ulttyq portaly
