Qala ákimi Ǵabıt Syzdyqbekovtiń tóraǵalyǵymen ótken apparattyq májiliste megapolıstiń qańtar – mamyr aılaryndaǵy áleýmettik-ekonomıkalyq damý barysy, salalar boıynsha atqarylyp jatqan jumystar pysyqtaldy. Ekonomıka jáne bıýdjettik josparlaý basqarmasynyń basshysy Erlan Esqaraev damý kórsetkishterin baıandap, bul kezeńde oń dınamıka qalyptasqanyn jetkizdi.
Investıııa kólemi 17,4 paıyzǵa artyp, 203,6 mlrd teńgeni qurady. Onyń ishinde memlekettik ınvestıııa kólemi 29,5 mlrd. teńge bolsa, jeke ınvestıııa kólemi 174,1 mlrd. teńgege jetken. Al qurylys jumystarynyń kólemi 55,7 mlrd teńgeni qurap, 30,7 paıyzǵa ulǵaıǵany baıqalady.
Qala ákimi sala basshysynyń baıandamasyna qatysty óz pikirin bildirdi. «Jalǵan sandarmen emes, shynaıy ekonomıkammen ómir súıreıik. Kórsetkishterdi taldap, qaı jerde problema bar, sol jerge kúsh salyp, naqty nátıjege jumys isteıik» - dedi Ǵabıt Syzdyqbekov.
Sonymen qatar qala ákimi tıisti basqarma basshylaryna megapolıs aýmaǵyndaǵy zańsyz berilgen jerlerge qatysty zań sheńberinde sharalardy kúsheıtip, dendrologııalyq saıabaq pen «Arbat» alańyna abattandyrý, kóriktendirý jumystaryn júrgizýdi jáne oıyn atrakıondarynyń qaýipsizdigin jaqsartýdy tapsyrdy. Barlyq aýdan, sala basshylaryna bıýdjettiń sapaly oryndalýy, 2025 jylǵy bıýdjettik ótinimderdi ázirleý boıynsha naqty tapsyrmalar berildi.
