Aqtaýda gıpermarketke 6 mıllıon teńge aıyppul salyndy, dep habarlaıdy “Adyrna” ulttyq portaly Lada-ǵa siltep.
«Sanıtarlyq epıdemıologtyń aıtýynsha, gıpermarket basshylyǵyna QR ÁQBtK-niń 425-babynyń 1-bóligi boıynsha (Qazaqstan Respýblıkasy zańnamasynyń talaptaryn buzý, ıaǵnı halyqtyń sanıtarlyq-epıdemıologııalyq salaýattylyǵyna zııan keltirý, sondaı-aq adam densaýlyǵyna keri áserin tıgizbeıtin gıgıenalyq normatıvterdi jáne tehnıkalyq reglamentterdi buzǵany úshin) aıyppul salynady», - dedi Mańǵystaý oblysy boıynsha sanıtarlyq-epıdemıologııalyq baqylaý departamentiniń basshysy Nurlan Shyraqbaev.
Jelide turǵyndardyń biriniń vıdeosy tarap ketti. Ol tońazytqyshtan shyqqan taraqandardy túsirip alyp, onda kesekter men kotletter, jándikterdiń dernásilderi men olardyń nájisteri qosa satylyp jatqanyn aıtady.
Shyraqbaev iri kásipkerlik sýbektilerine 1600 AEK (T5 907 200) kóleminde aıyppul salynatynyn túsindirdi. Aıyppul jeti kún ishinde tólense, onda ol osy somanyń 50% quraıdy, ıaǵnı 2 953 600 teńge.
