اقتاۋدا گيپەرماركەتكە 6 ميلليون تەڭگە ايىپپۇل سالىندى، دەپ حابارلايدى “ادىرنا” ۇلتتىق پورتالى Lada-عا سىلتەپ.
«سانيتارلىق ەپيدەميولوگتىڭ ايتۋىنشا، گيپەرماركەت باسشىلىعىنا قر اقبتك-ءنىڭ 425-بابىنىڭ 1-بولىگى بويىنشا (قازاقستان رەسپۋبليكاسى زاڭناماسىنىڭ تالاپتارىن بۇزۋ، ياعني حالىقتىڭ سانيتارلىق-ەپيدەميولوگيالىق سالاۋاتتىلىعىنا زيان كەلتىرۋ، سونداي-اق ادام دەنساۋلىعىنا كەرى اسەرىن تيگىزبەيتىن گيگيەنالىق نورماتيۆتەردى جانە تەحنيكالىق رەگلامەنتتەردى بۇزعانى ءۇشىن) ايىپپۇل سالىنادى»، - دەدى ماڭعىستاۋ وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى نۇرلان شىراقباەۆ.
جەلىدە تۇرعىنداردىڭ ءبىرىنىڭ ۆيدەوسى تاراپ كەتتى. ول توڭازىتقىشتان شىققان تاراقانداردى ءتۇسىرىپ الىپ، وندا كەسەكتەر مەن كوتلەتتەر، جاندىكتەردىڭ دەرناسىلدەرى مەن ولاردىڭ ناجىستەرى قوسا ساتىلىپ جاتقانىن ايتادى.
شىراقباەۆ ءىرى كاسىپكەرلىك سۋبەكتىلەرىنە 1600 اەك (ت5 907 200) كولەمىندە ايىپپۇل سالىناتىنىن ءتۇسىندىردى. ايىپپۇل جەتى كۇن ىشىندە تولەنسە، وندا ول وسى سومانىڭ 50% قۇرايدى، ياعني 2 953 600 تەڭگە.
