Abyz aqsaqal, akademık, fılosof, ardager Dosmuhambet Kishibekov 100-ge taıaǵanda ómirden ozdy, dep habarlaıdy “Adyrna” ulttyq portaly. Bul týraly Dáýren Darııabek jelide bólisti.
Dosmuhambet Kishibekov 1925 jyly Shıeli aýdanynda týǵan. Ǵalym, fılosofııa ǵylymdarynyń doktory (1965), professor (1967), Qazaqstan Ulttyq ǵylym akademııasynyń akademıgi (2003), Qazaq KSR Joǵarǵy mektebiniń eńbek sińirgen qyzmetkeri.
Dosmuhambet Kishibekov 2-dúnıejúzilik soǵysqa qatysqan. Qyzylorda pedagogıka ınstıtýtynyń (Qorqyt Ata atyndaǵy Qyzylorda memlekettik ýnıversıteti) tarıh fakýltetin bitirgen (1948).
1948 – 49 jyldary Qyzylorda memlekettik pedagogıka ınstıtýtynda oqytýshy, 1949–53 jyldary KSRO Ǵylym Akademııasynyń Fılosofııa ınstıtýtynda aspırant, 1953 – 64 jyldary Qazaq polıtehnıkalyq (QazUTÝ) ınstıtýtynda kishi ǵylymı qyzmetker, aǵa ǵylymı qyzmetker.
1964 – 96 jyldary Qazaq ulttyq tehnıklyqa ýnıversıtetiniń fılosofııa kafedrasynyń meńgerýshisi qyzmetin atqardy, 1996 jyldan osy ýnıversıtettiń qoǵamdyq pánder kafedrasynyń professory.
Negizgi ǵylymı eńbekteri qazaq halqynyń tarıhy men mádenıetine, dástúrli dúnıetanymyna arnalǵan. Halyqtyń ótkeni men búginin ǵylymı saralap, onyń diline, bolmysy men ádet-ǵurpyna, dúnıege kózqarasyna fılosofııa taldaý jasap, fılosofııa tarıhy máselesin zerttedi. Sondaı-aq, Kishibekov ótpeli kezeńdegi qoǵamnyń damý zańdylyqtaryn, qoǵamdyq qatynastardyń jaı-kúıin aıqyndap, bir qoǵamnan ekinshi qoǵamǵa ótýde demeýshi faktorlar qajet ekendigin negizdedi.
«Dostyq» ordenimen, birneshe medaldarmen marapattaldy.
Kishibekov 580-nen astam ǵylymı eńbektiń, sonyń ishinde 47 monografııa, oqýlyq, kitaptar men kitapshalar jazdy.
