Búgin kórnekti ǵalym, Qazaqstan arheologııa mektebiniń negizin qalaýshylardyń biri, tarıh ǵylymdarynyń doktory Kemel Aqyshevtyń týǵanyna 100 jyl toldy, dep habarlaıdy “Adyrna” ulttyq portaly.
Kemel Aqyshev 1924 jyly, Pavlodar oblysy, Baıanaýyl aýdanynda dúnıege keldi.
Áskerı ýchılıeni aıaqtaǵan soń maıdanǵa attanady. 1950 jyly Qazaq Memlekettik ýnıversıtetiniń tarıh fakýltetin bitiredi.
KSRO ǴA Arheologııa ınstıtýtynyń Lenıngrad bólimine aspırantýraǵa túsip, 1953 jyly Memlekettik Ermıtajdyń Ǵylymı keńesinde kandıdattyq dıssertaııasyn qorǵaıdy.
Stýdenttik jyldary arheologııalyq qazba jumystaryna qatysady. 1955 jyly Qazaq KSRO ǴA Tarıh, arheologııa, etnografııa ınstıtýtynyń arheologııa bóliminiń meńgerýshisi, sodan keıin Álkeı Marǵulan atyndaǵy QR UǴA Arheologııa ınstıtýtynyń bas (negizgi) ǵylymı qyzmetkeri bolady. 2000 jyly Astana qalasyna kóship, Lev Gýmılev atyndaǵy Eýrazııa Ulttyq ýnıversıtetinde arheologııalyq rekonstrýkııanyń laboratorııasyn qurady
Kemel Aqyshev otandyq ǵylymnyń ǵana emes, adamzat damýyna qomaqty úles qosty. Tuńǵysh «Altyn adamdy» taýyp, Qazaqstandy álemge áıgiledi.
1982 jyly Qazaqstan Memlekettik syılyǵynyń laýreaty, 1966 jyly QR ǵylym akademııasynyń Sh.Ýálıhanov atyndaǵy arnaýly syılyǵynyń laýreaty, 1983 jyly German Arheologııalyq ınstıtýtynyń korrespondent-múshesi atanyp, Qazaqstan ǵylymyna eńbek sińirgen qaıratker jáne «Parasat» ordenimen marapattalǵan.
