Batys Qazaqstan oblysynda búgingi kúnge deıin sý tasqynynan zardap shekken 8882 otbasyǵa 100 aılyq eseptik kórsetkish kóleminde 3,2 mlrd teńge birjolǵy áleýmettik kómek berildi. Budan bólek, turǵyndarynyń shyǵynyn esepteý jónindegi komıssııa qorytyndysy boıynsha turǵyn úılerin jóndeýge 253 otbasyǵa 422 mln teńge qarjy tólendi. Aldaǵy ýaqytta turǵyndardan túsken ótinishter negizinde tólemderdi berý jalǵasýda.
Budan bólek, sý tasqynynan zardap shekken turǵyndarǵa Bórli aýdanynda 58 úı, Terekti aýdanynda 5 úı satyp alynady.
Oblys ákimi Narıman Tóreǵalıevtiń tapsyrmasy aıasynda Oral qalasynda sý tasqynynan zardap shekken saıajaı turǵyndarynyń shyǵynyn esepteý jáne materıaldyq kómek tóleý jónindegi komıssııa shtattyq rejımde jumys isteýde.
Qazirgi ýaqytta Oral qalasyndaǵy saıajaı turǵyndarynyń shyǵynyn esepteý boıynsha jumystar júrgizilýde.
Sondaı-aq, Batys Qazaqstanda sý tasqyny saldarynan zardap shekken Qaratóbe, Syrym, Bórli, Báıterek, Terekti aýdandarynyń turǵyndary úshin salynatyn 395 úıdiń 377-siniń qurylysy júrip jatyr.
