باتىس قازاقستان وبلىسىندا بۇگىنگى كۇنگە دەيىن سۋ تاسقىنىنان زارداپ شەككەن 8882 وتباسىعا 100 ايلىق ەسەپتىك كورسەتكىش كولەمىندە 3,2 ملرد تەڭگە بىرجولعى الەۋمەتتىك كومەك بەرىلدى. بۇدان بولەك، تۇرعىندارىنىڭ شىعىنىن ەسەپتەۋ جونىندەگى كوميسسيا قورىتىندىسى بويىنشا تۇرعىن ۇيلەرىن جوندەۋگە 253 وتباسىعا 422 ملن تەڭگە قارجى تولەندى. الداعى ۋاقىتتا تۇرعىنداردان تۇسكەن وتىنىشتەر نەگىزىندە تولەمدەردى بەرۋ جالعاسۋدا.
بۇدان بولەك، سۋ تاسقىنىنان زارداپ شەككەن تۇرعىندارعا ءبورلى اۋدانىندا 58 ءۇي، تەرەكتى اۋدانىندا 5 ءۇي ساتىپ الىنادى.
وبلىس اكىمى ناريمان تورەعاليەۆتىڭ تاپسىرماسى اياسىندا ورال قالاسىندا سۋ تاسقىنىنان زارداپ شەككەن ساياجاي تۇرعىندارىنىڭ شىعىنىن ەسەپتەۋ جانە ماتەريالدىق كومەك تولەۋ جونىندەگى كوميسسيا شتاتتىق رەجيمدە جۇمىس ىستەۋدە.
قازىرگى ۋاقىتتا ورال قالاسىنداعى ساياجاي تۇرعىندارىنىڭ شىعىنىن ەسەپتەۋ بويىنشا جۇمىستار جۇرگىزىلۋدە.
سونداي-اق، باتىس قازاقستاندا سۋ تاسقىنى سالدارىنان زارداپ شەككەن قاراتوبە، سىرىم، ءبورلى، بايتەرەك، تەرەكتى اۋداندارىنىڭ تۇرعىندارى ءۇشىن سالىناتىن 395 ءۇيدىڭ 377-ءسىنىڭ قۇرىلىسى ءجۇرىپ جاتىر.
