Zamanaýı qazaqstandyq OYU Fest mýzyka festıvali bıyl bas seriktes – Kaspi.kz ınnovaııalyq kompanııasynyń qoldaýymen ótedi. Festıval qonaqtary qazaqstandyq úzdik oryndaýshylardyń ónerin tamashalaıdy jáne Qazaqstannyń ár óńirinen kelgen talantty jas mýzykanttardyń jańa esimderimen tanysady.
Kaspi.kz basshysy ári negizin qalaýshylardyń biri Mıhaıl Lomtadze:
«Biz mýzyka, sport, salaýatty ómir salty tóńireginde adamdardy biriktiretin otandyq jobalarǵa qýana qoldaý kórsetemiz. Kóp jyl boıy Kaspi.kz – Almaty Marafonnyń, The Spirit of Tengri festıvaliniń, Qazaq National Parks jobasynyń jáne basqa da jobalardyń bas seriktesi. Bizge OYU Fest festıvaliniń zamanaýı qazaqstandyq mýzykanyń jas daryndy oryndaýshylaryna jol ashý ıdeıasy qatty unady. Biz elimizdegi jáne búkil álemdegi adamdardyń kóbi Qazaqstannyń zamanaýı mýzykasyn tereńirek tanyǵanyn qalaımyz».
OYU jáne QARA studios jobasynyń negizin qalaýshy Aısultan Seıitov:
«OYU 2021 jyldyń basynda Ortalyq Azııa mýzykasyn, atap aıtqanda, Qazaqstannyń mýzykasyn zertteý jobasy retinde dúnıege keldi. Joba jastardyń arasynda alǵashqy kúnnen bastap tanymal bolyp, jańa mýzykanttarǵa ózin tanytýǵa, sondaı-aq aǵa býyn ártisterimen qaıta qaýyshýǵa múmkindik berdi. OYU Live ındýstrııany damytýdyń jańa alańyna aınaldy, jańa standarttardy engizdi, qazaqstandyq mýzykaǵa degen súıispenshilikti jandandyrdy. Bir jyl ótken soń biz Fest OYU festıvalin ótkizdik – bul bizdiń bastamamyz edi, onymen biz jalpy mýzykaǵa degen qurmetimiz ben mahabbatymyzdy bildiremiz. Bıyl festıval úshinshi ret ótpekshi, onyń ústine qazaqstandyq Kaspi.kz kompanııasynyń bizdiń qatarymyzdan tabylǵanyna óte qýanyshtymyz. Osy seriktestiktiń arqasynda biz aldaǵy ýaqytta da daryndy mýzykanttardy qoldaı alamyz, Qazaqstanda festıval mádenıetin damytyp, keremet sapaly mýzykany barshaǵa qoljetimdi ete alamyz».
Festıval 1 maýsym kúni Almatydaǵy Pervomaı toǵanynda jáne 27 maýsym kúni «Astana» golf-klýbynda ótedi. Áıgili laın-ap: «Dequine» «Shiza» «Ayau» «Aikyn» «Kunzharyq» «Marhaba Säbi» jáne basqa da zamanaýı mýzyka juldyzdary kelmekshi.
Sondaı-aq festıval qonaqtaryn dástúrli oıyn-saýyq: altybaqan, asyq, batýt, balalar anımatorlary, guitar hero, festıval seriktesteriniń ınteraktıvti baıqaýlary jáne Almaty men Astananyń súıikti meıramhanalary kútedi.
