زاماناۋي قازاقستاندىق OYU Fest مۋزىكا فەستيۆالى بيىل باس سەرىكتەس – Kaspi.kz يننوۆاتسيالىق كومپانياسىنىڭ قولداۋىمەن وتەدى. فەستيۆال قوناقتارى قازاقستاندىق ۇزدىك ورىنداۋشىلاردىڭ ونەرىن تاماشالايدى جانە قازاقستاننىڭ ءار وڭىرىنەن كەلگەن تالانتتى جاس مۋزىكانتتاردىڭ جاڭا ەسىمدەرىمەن تانىسادى.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«ءبىز مۋزىكا، سپورت، سالاۋاتتى ءومىر سالتى توڭىرەگىندە ادامداردى بىرىكتىرەتىن وتاندىق جوبالارعا قۋانا قولداۋ كورسەتەمىز. كوپ جىل بويى Kaspi.kz – الماتى مارافوننىڭ، The Spirit of Tengri فەستيۆالىنىڭ، Qazaq National Parks جوباسىنىڭ جانە باسقا دا جوبالاردىڭ باس سەرىكتەسى. بىزگە OYU Fest فەستيۆالىنىڭ زاماناۋي قازاقستاندىق مۋزىكانىڭ جاس دارىندى ورىنداۋشىلارىنا جول اشۋ يدەياسى قاتتى ۇنادى. ءبىز ەلىمىزدەگى جانە بۇكىل الەمدەگى ادامداردىڭ كوبى قازاقستاننىڭ زاماناۋي مۋزىكاسىن تەرەڭىرەك تانىعانىن قالايمىز».
OYU جانە QARA studios جوباسىنىڭ نەگىزىن قالاۋشى ايسۇلتان سەيىتوۆ:
«OYU 2021 جىلدىڭ باسىندا ورتالىق ازيا مۋزىكاسىن، اتاپ ايتقاندا، قازاقستاننىڭ مۋزىكاسىن زەرتتەۋ جوباسى رەتىندە دۇنيەگە كەلدى. جوبا جاستاردىڭ اراسىندا العاشقى كۇننەن باستاپ تانىمال بولىپ، جاڭا مۋزىكانتتارعا ءوزىن تانىتۋعا، سونداي-اق اعا بۋىن ارتىستەرىمەن قايتا قاۋىشۋعا مۇمكىندىك بەردى. OYU Live يندۋستريانى دامىتۋدىڭ جاڭا الاڭىنا اينالدى، جاڭا ستاندارتتاردى ەنگىزدى، قازاقستاندىق مۋزىكاعا دەگەن سۇيىسپەنشىلىكتى جانداندىردى. ءبىر جىل وتكەن سوڭ ءبىز Fest OYU فەستيۆالىن وتكىزدىك – بۇل ءبىزدىڭ باستامامىز ەدى، ونىمەن ءبىز جالپى مۋزىكاعا دەگەن قۇرمەتىمىز بەن ماحابباتىمىزدى بىلدىرەمىز. بيىل فەستيۆال ءۇشىنشى رەت وتپەكشى، ونىڭ ۇستىنە قازاقستاندىق Kaspi.kz كومپانياسىنىڭ ءبىزدىڭ قاتارىمىزدان تابىلعانىنا وتە قۋانىشتىمىز. وسى سەرىكتەستىكتىڭ ارقاسىندا ءبىز الداعى ۋاقىتتا دا دارىندى مۋزىكانتتاردى قولداي الامىز، قازاقستاندا فەستيۆال مادەنيەتىن دامىتىپ، كەرەمەت ساپالى مۋزىكانى بارشاعا قولجەتىمدى ەتە الامىز».
فەستيۆال 1 ماۋسىم كۇنى الماتىداعى پەرۆوماي توعانىندا جانە 27 ماۋسىم كۇنى «استانا» گولف-كلۋبىندا وتەدى. ايگىلى لاين-اپ: «Dequine» «Shiza» «Ayau» «Aikyn» «Kunzharyq» «Marhaba Säbi» جانە باسقا دا زاماناۋي مۋزىكا جۇلدىزدارى كەلمەكشى.
سونداي-اق فەستيۆال قوناقتارىن ءداستۇرلى ويىن-ساۋىق: التىباقان، اسىق، باتۋت، بالالار انيماتورلارى، guitar hero, فەستيۆال سەرىكتەستەرىنىڭ ينتەراكتيۆتى بايقاۋلارى جانە الماتى مەن استانانىڭ سۇيىكتى مەيرامحانالارى كۇتەدى.
