Osy aptada «Taza Qazaqstan» respýblıkalyq ekologııalyq akııasy «Ónegeli urpaq» aptalyǵymen jalǵasýda . Aptalyq barysynda ár aýdan tazalyq jumystaryn uıymdastyryp keledi. Osy oraıda Eńbekshi aýdany ákimdiginiń uıymdastyrýymen «Ónegeli urpaq» akııasy aıasynda qala jastary men belsendi azamattar qarttar úıine bardy. Qarttar úıiniń aýlasynda belsendiler tazalyq jumystaryn júrgizip, taldardyń túpterin áktep, ósip ketken shópterdi qyrqyp, qoqystardy shyǵardy.
—«Taza Qazaqstan» akııasy aıasynda tazalyq jumystaryn qarttar úıinde jalǵastyrýdamyz. Is-sharaǵa Eńbekshi aýdany ákimdigi, jastar, stýdentter atsalysýda. Dál qazir 50-ge jýyq belsendi jas aýladaǵy taldardyń túbin áktep, qorshaýlardy syrlap shyqty. Mundaı tazalyq is-sharasyn kórgen qarııalarymyz da óz rızashylyqtaryn bildirip, jastarmen áńgimelesip bir jasap qaldy, - dedi Eńbekshi aýdanynyń jastarmen jumys júrgizý bóliminiń basshysy Qýanysh Serikbaı.
«Qazynaly qarııa – aqyly teńiz darııa» ataýymen uıymdastyrylǵan is-sharada tazalaý jumystaryn júrgizý jáne demeýshilerdiń esebinen qaıyrymdylyq kómekter kórsetý jumystary da uıymdastyrylyp, qalalyq mádenıet bóliminiń ánshileri án shyrqap, kópshilikke merekelik kóńil-kúı syılady.
«Ónegeli urpaq» aptalyǵy aıasynda múmkindiginshe qaladaǵy kómekke muqtaj qarttardyń barlyǵyn qamtý qarastyrylǵan. Aptalyq barysynda qarııalar men ardagerlerdiń úılerine baryp, tazalyq jumystaryn júrgizý ári qaraı da jalǵaspaq.
