Mıllıondaǵan usaq ta sýyq tamshy tóbeden tógilip tur. Kádimgi aq jaýyn. Munyń ózin qazaq óz darqandyǵyna ıkemdep «Nur ǵoı, Allanyń nury jaýǵan. Bıyl berekeli jyl bolady eken» dep jorıdy. Alańda bir birin jańa kórgendeı arsalańdaı kelip amandasyp, qaýqyldasyp syrlasyp, áz Naýryzǵa qut-bereke tilesken jurtqa jymııa qarap turyp, «osy Alashtyń aımańdaı armany men muradym-muratyn záý júzinen ár tamshysyna qondyra alyp kelgen jaýyn bolsa eken» dep tebirenip kettik. «Nur ǵoı» dedik qaıtalaı kúbirlep.
Iá, shynymen de Ulystyń uly kúni nur jaýdy. Sirkirep, uıytqyp, birde maıdaqońyr kúıde sebezgiledi. Aýa raıy múldem qolaısyz. Alaıda kún men tún teńelgen, Jer-ana jasanǵan ǵajaıyp merekege kelgen jetisýlyq jurtshylyq túrki jurtynyń Jańa jylyn jarasymdy kóńilmen qarsy aldy. Bir-birine qutty bolsyn aıtysyp, Qonaev, Q. Jalaırı kósheleriniń boıyna, Jastar sport saraıy mańyna tigilgen aqshańqan úılerden dám tatysty.
Taldyqorǵan tórinde aıryqsha saltanatpen atalyp ótken áz Naýryzdyń sherýin oblys ákimi Beıbit Isabaev bastap júrdi. Aımaq basshysymen qatar oblystyq máslıhat depýtattary, Jetisý jerine meıman bolyp kelgen QR Parlamenti Senatynyń depýtaty Sultan Dúısembınov, zııaly qaýym ókilderi tól meıramnyń tórkinin baıyta túskendeı boldy.
Osynaý ulyq kúni oblys ákimi Beıbit Óksikbaıuly arnaıy tikilgen aqshańqan úılerdi aralap, qazaqtyń joralǵylaryna, myńjyldyqtan tamyr tartqan toı-saltanat rásimderine kózaıym boldy. Máselen, tusaý kesý, syrǵa salý sekildi joralǵylar jasalsa, oblys basshysy men Sultan Myrzabekuly jetisýlyq jas balanyń qaz-qaz basqan qadamyna qutty bolsyn aıtysyp, el syılaǵan tuǵyrly azamat retinde búldirshiniń tusaýyn kesti. Osy sekildi qazaq tanymyna sińgen, qundylyǵy bolyp jalǵasqan joralǵylar, rásimder atqarylyp, árbir úıde aq sapyrylyp, saba pisilip, naýryz kóje ishildi. Qonaev kóshesinen bastaý alǵan sharanyń árbir núktesinde oblystyq Dánesh Raqyshaev atyndaǵy fılarmonııasy, Bıken Rımova atyndaǵy drama teatry, Taldyqorǵan áýenderi ansambliniń ónerpazdary men Oqýshylar saraıynyń tárbılenýshireli óner kórsetip, án áýeletip, kúı kúbirletti. Myń burala bı bıledi.
Ulystyń uly kúninde altybaqan tebilip, án áýelep jatqanda «Jastar» sport saraıy mańynda «Baýyrsaq patı», Naýryz kóje patı» uıymdastyryldy. Onda áýezdi ánge eltigen, merekege shynaıy súısingen jetisýlyqtar aqtan dám tatysty. Óz kezeginde qazaqsha kúresten «Taldyqorgan barysy» ótip, aqtyq synda Rýslan Ábdirazaq pen Janserik Jumabaev palýandarymyz beldesti. Qoshqar kóterý, gir kóterý, arqan tartys, toǵyz qumalaq sekildi ulttyq oıyndar da naqyshtaldy. Al 91 metrlik tý tuǵyrymyzdyń aýlasynda etno mádenı ortalyqtarynyń kórmesi kórermen nazaryna usynyldy.
Merekelik shara «Jastar» mádenıet jáne demalys saıabaǵynda jalǵasyn tapty. Alǵashqy bolyp sóz alǵan oblys ákimi Beıbit ISABAEV:
– Kún men tún teńeletin, Shyǵys halyqtarynda jyl basy sanalatyn Ulys kúnin halqymyz jaryqtyń qarańǵyny, jylynyń sýyqty, aqtyń qarany jeńer jaqsylyqtyń basy dep uǵynǵan. Soǵan saı merekede ıgi isterdi molynan atqaryp, bir-birine dám usynyp, bata berip, tilektestik bildirgen. Sondyqtan muny tatýlyq pen turaqtylyqtyń, bereke men beıbitshiliktiń merekesi, adamgershilik pen jarastyqtyń aıy dep bilemiz.
Naýryzdyń ǵasyrlar qoınaýynan bastaý alǵan baǵzy tarıhy men tereń taǵylymy bizdiń búgingi qoǵam úshin úlken mánge ıe.
Táýelsizdik jyldarynda qaıta jańǵyrǵan naýryzdy keıingi jyldary halyqty biriktiretin, qoǵamdy uıystyratyn ortaq qundylyq retinde ornyqtyrýǵa basa nazar aýdarylýda. Soǵan sáıkes elimizde Naýryzdy toılaýdyń jańa tujyrymdamasy bekitilip, bıyldan bastap Naýryznama on kún toılanatyn boldy. Sóıtip meıramnyń aýqymy keńeıip, máni tereńdeı tústi. Ár kúnge jeke ataý berilip, onyń mazmunyna saı oblysta túrli is-sharalar uıymdastyryldy, – deı kele Kórisý kúninde jarqyn bolashaqqa nyq qadam bassyn degen nıetpen bir kúnde 50 sábıdiń tusaýyn kesken jetisýlyqtardyń ıgi Qazaqstannyń rekordtar kitabyna engizilgenin aıryqsha atap ótti. Sonymen qatar iri meenattar oblystyń ár túkpirinde jyl boıy turǵyn úı qurylysy, densaýlyq saqtaý, sport jáne taǵy basqa mańyzdy salalarda jeke ınvestıııa salyp, halyqqa qyzmet etetin mańyzdy nysandar turǵyzǵanyn aıta kele, oblys ákimi: «Bıyl da birqatar aıtýly jobalar jalǵaspaq. Quny on mıllıard turatyn onkologııalyq ortalyq salý jóninde «Qazaqmys» korporaııasymen kelistik. Buıyrtsa bul Jetisýdaǵy eń iri meenattyq joba bolmaq», – dep atap ótti.
Oǵan qosa Ulttyq quryltaıdyń III jıynynda Memleket basshysy: «Eń aldymen, halyqtyń bereke-birligin saqtaý eldigimiz úshin asa mańyzdy. Shyn máninde, jeke múddesin emes, el múddesin bárinen bıik qoıatyn azamattar urpaqqa úlgi bolýy qajet», degenin, bul sóz Qazaqstan memlekettiliginiń jańa ıdeologııalyq ustanymyn aıqyndaıtyn uly Abaıdyń «Atańnyń balasy bolma, adamnyń balasy bol» degen danalyǵymen tereń úndesetinin de ataýsyz qaldyrmady. Atqarylar isterdi, baǵyndyrylǵan mejeni tilge tıek ete otyryp Ulystyń uly kúnin aıryqsha ataǵan ol kópshilikti ǵajaıyp meırammen quttyqtady.
Oblys basshysynyń quttyqtaý sózinen keıin el, týǵan jer týraly asqaq ánder shyrqalyp, ónerdiń san túri sahnany shyraıyn keltirdi. «Aıgólek», «Achımnoýl», «Týǵan tel», «Kontrast», «Aınalaıyn», «Iýnye talanty», «Altyn dán», «Solnyshko», «Temp», «Ýlybka» ansamblderi men B. Rımova atyndaǵy drama teatrynyń ártisteri jáne «Taldyqorǵan áýenderi» folklorly-etnografııalyq ansambliniń ónerpazdary qatysqan merekeli sharada, sondaı-aq oblystyq D. Raqyshev atyndaǵy fılarmonııa ártisteri, «Taldyqorǵan áýenderi» folklorlyq-etnografııalyq ansambliniń jáne Qazaqstan estrada juldyzdary Naýryznama naqyshyn qanyq ete tústi. Ásem án, kúmbir kúı kókirekti kernedi. Naýryz qutyn, jaýyn nuryn quısyn dedik taǵy da.
Asyl SULTANǴAZY
Foto: Jeńis Ysqabaı
