Қазақстан астанасы Қаңтар оқиғасынан кейін бұрынғы атауына оралса да, Астанадағы бірқатар мемлекеттік мекемелер өз мекендерін әлі де "Нұр-Сұлтан қаласы" деп көрсетіп келеді. Бұл туралы ҚазТАГ жариялады, деп “Адырна” ұлттық порталы.
Мәлімет бойынша, мемлекеттік сатып алулар порталында «Астана су арнасы» мемлекеттік кәсіпорны «Нұр-Сұлтан» атауын сақтай отырып, мемлекеттік сатып алу конкурстары туралы хабарландыруларды әлі де жариялайды.
Мемлекеттік кәсіпорынның порталдағы парақшасында аталған мекеменің толық атауы «Нұр-Сұлтан қаласы әкімдігінің «Астана су арнасы» шаруашылық жүргізу құқығындағы мемлекеттік коммуналдық кәсіпорны» деп көрсетілген.
Сондай-ақ, "Нұр-Сұлтан қаласы әкімдігінің «№50 «Жұлдыз» бөбекжай-бақшасы» мемлекеттік қазыналық кәсіпорны", "Нұр-Сұлтан қаласы «№ 2 өнер мектебі» мемлекеттік қазыналық кәсіпорны" деген атаулар кездеседі. «Елордалық цирк» мемлекеттік коммуналдық қазыналық кәсіпорны да"Нұр-Сұлтан" қаласының әкімдігі мен басқа да мемлекеттік органдарда тіркелген.
Еске салайық, 2022 жылдың 2 қыркүйегінде Мәжіліс депутаттары Қаңтар оқиғасынан кейін кейін үш жыл бойы «Нұр-Сұлтан» аталып келген Астана атауын елордаға қайтаруды ұсынған болатын.
Сол кезде Мемлекет басшысының баспасөз хатшысы қызметін атқарған Руслан Желдібай "Нұр-Сұлтанның" атын "Астана "деп өзгерту бастамасына түсініктеме бере отырып, экс-президент Нұрсұлтан Назарбаевтың құрметіне басқа да есімдер берілгенін айтты. Сол жылы 15 қыркүйек мәслихат қабырғасында атын өзгерту мәселесін қоғамдық талқылау өтіп, қоғам белсенділері елорданың бұрынғы атауы – Астанаға қайтарылуын қолдады.
2022 жылдың 16 қыркүйекінде парламент "Астана" атауын елордаға қайтару туралы түзетулерді мақұлдады. 17 қыркүйекте Тоқаев арнайы жарлығымен "Астананың" атын елордаға қайтарды.
