Украина Президентінің 25 сәуірдегі жарлығымен қазақстандық ерікті Жасұлан Дүйсембин үшінші дәрежелі «Ерлігі үшін» орденімен марапатталды. Бұл туралы Арман Шораев фейсбук парақшасына жариялады, деп хабарлайды “Адырна” ұлттық порталы.
Жасұлан - 30 жаста, Қостанай облысының тумасы. Ол Ресей әскері басып кіргелі бері Донецк облысындағы Украина Қарулы күштерінің қатарында, Азов полкінің құрамында соғысуда.
Айта кетелік, маусым айының басында Нұр-Сұлтан қалалық ҰҚК департаменті Украинада соғысып жатқан қазақстандыққа қарсы сотқа дейінгі тергеу амалдарын бастаған болатын.
ҰҚК қазақстандықтың аты-жөнін және қай тарапта соғысып жатқанын жариялаған жоқ. Алайда, қазіргі таңда есімі елге белгілі жалғыз қазақстандық еріктінің Жасұлан Дүйсембин екені анықталды.
“Адырна” ұлттық порталы
Ұқсас жаңалықтар
"Санкцияларының салдары қандай болатынын жақсы түсінеміз" - Блинкен санкциялардың әсері туралы айтты
