Нұр-Сұлтанда дүкен өртенді, - деп хабарлайды "Адырна".
Төтенше жағдайлар қызметінің мәліметінше, өрт сөндіру қызметінің пультіне сағат 08.54-те Мәңгілік Ел даңғылы, 19/2 мекенжайында өрт шыққаны туралы хабарлама түскен.
«Өрт сөндірушілер келген уақытта «Cotton» дүкенінде өрт шыққаны анықталды. Өрт орнында жеке құрамның 22 адамы мен 4 техникасы жұмыс істеп жатыр», - делінген хабарламада.
Өрт 09.22-де оқшауланғаны атап өтілді. Құрбандар мен зардап шеккендер жоқ.
Өрттің шығу себебі анықталуда.
"Адырна" ұлттық порталы