Жақында белгілі әнші, актриса, ҚР еңбек сіңірген қайраткері Меруерт Түсіпбаева Алатау Creative Hub орталығында Алатау ауданының көпбалалы аналарына арналған қайырымдылық кешін өткізді. Кешке көптеген аналар келіп, ән тыңдап, ақыл-кеңестер алып, демеушілер ұсынған сыйлықтарға ие болды, деп хабарлайды "Адырна" ұлттық порталы kznews.kz-ке сілтеме жасап.
Жобаның мақсаты көпбалалы аналарға көмек көрсету. Жаңа жыл алдында керемет көңіл күй сыйлау. Бұл шараны қолға алу идеясы, жақында Жетісу ауданында болған трагедиядан кейін келді. Өзім де көпбалалы отбасыдан шықтым. Бірақ, өзімде бір бала-дейді Меруерт ханым.
Шараға қолдау білдіруге келген демеуші, белгілі дизайнер, Omabelle.kz компаниясының директоры Айдана Омарова ханым аналарға «Өз өзіңді қалыптастыр» деп аталатын сиқырлы қорапшаларды сыйға тартты. Белгілі косметолог маман Гулшаш ханым бет күтімі туралы пайдалы ақпаратпен бөлісіп, аналарға косметикаларды сыйға тартты.
"Адырна" ұлттық порталы
