Ақтау қаласында екі жасар қызға жұқпалы аурулар ауруханасында жарамдылық мерзімі өтіп кеткен дәрі егілді, деп хабарлайды "Адырна" ұлттық порталы.
Дәрігерлер қаңтардан бері қыздың дене қызуы неге 38-ден түспей жатқанын және арасында ұстамаларының себебі неде екенін анықтай алмады. Нақты диагноз – цитамегаловирус. Диагноз тек қыркүйекте үшінші госпитализация кезінде, жеке зертхананың мамандары шақырылған кезде ғана қойылған.
Бұл ауруға арналған препарат нұсқауларды қатаң сақтауды талап етеді. Себебі, ол жарамсыз болып, еш әсер етпей қалуы мүмкін.
– Бұл препарат тек 24 сағат жұмыс істейді. Яғни, бала 24 сағат ішінде 2 рет қабылдауы керек. Олар оны сағат 2-де ашты, сондықтан оны түнгі 2-де беру керек. Келесі күнге қалдырмай лақтыру керек. Олар кеше пайдаланған дәріні бүгінде қолданды. Яғни, жарамдылық мерзімі өтіп кеткен дәріні салды, – дейді Ақтау қаласының тұрғыны Жұлдыз Тадженова.
Бүлдіршіннің анасы «жарамсыз дәріден кейін оның жағдайы күрт нашарлады» дейді. Бір күнде баланың дене қызуы 39 градусқа бірнеше рет көтерілген. Аурухана еш қарсыласпады. Қызметкерлердің бірі өз кінәсін мойындады.
Медицина қызметкерінің кешірімін облыстық денсаулық сақтау басқармасы қабылдады. Медбикеге сөгіс жарияланды.
– Әзірше, сөгіс, өйткені ол мұндай жағдайға бірінші рет тап болды. Медбике бәрін мойындап, баланың әкесінен кешірім сұрады. Жоқ, оның температурасы болады, өйткені цитомегаловирустық инфекцияның өзі осылай сезіледі. Дене қызуы ұзаққа дейін сақтала алады. Инфекцияның өзі сондай, – деп түсіндірді Маңғыстау балалар ауруханасы директорының емдеу-профилактикалық жұмыстары жөніндегі орынбасары Гүлжан Ермекбаева.
Алайда, зардап шеккен қыздың анасы сөгіс түріндегі жазаға қанағаттанбады. Ол медицина қызметкерінің жұмыстан босатылуына қол жеткізіп, балаға сапалы медициналық көмек көрсету үшін елордадағы Ана мен бала ұлттық орталығына квота алуға ниетті.
"Адырна" ұлттық порталы
