Қарбызды қалыпты мөлшерде жеу салмақ тастауға көмектеседі.
“Қарбыздың көкесін шілде түскенде көресің” демекші, қарбыздың рахатына батып жатсыздар ма? Әр нәрсені мөлшерімен пайдаланбаса зияны тиері мәлім. Сол сияқты, қарбызды шамадан тыс жеу де денсаулыққа зиянын тигізеді екен.
Тамақтану, биотехнология және тамақ қауіпсіздігі бойынша ғылыми-зерттеу орталығының ғылыми жетекшісі, Ресей ғылым академиясының академигі Виктор Тутелян денсаулыққа зиян келтірместен жеуге болатын қарбыздың тиісті мөлшерін атады.
Маманның айтуынша, қарбыздың көптеген пайдалы қасиеттері бар. Бұл жемістерде бета-каротин, B5, A, B6, кремний, кальций, магний, калий, натрий, темір, мырыш және фосфор көп. Одан бөлек, құрамында кальцийдің сіңуін жақсартатын фолий қышқылы және амин қышқылы лизині бар.
Тутелян қарбызды қалыпты мөлшерде тұтыну аштық сезімін басып, салмақ тастауға көмектесетінін айтты. Қарбыздың құрамында сұйықтық көп мөлшерде болғандықтан, ол асқазанды суға толтырып, калориясы жоғары нәрсені жеуге деген құлшынысты азайтады.
«Бірақ бұл өнімді тамақ рационыңызға қосқан кезде оның мөлшерін қатаң бақылау керек. Қарбызда қант мөлшері көп - 100 грамм целлюлоза үшін 5-10 грамға дейін келеді. Бұл, біріншіден, ұйқы безі үшін зиян. Екіншіден, оны шамадан тыс қолдану артық жинауға салмаққа әкелуі мүмкін», - деп толықтырды академик.
Тутелянның айтуы бойынша, күніне ересектер 400-500 грамм, ал балалар 300-400 грамм ғана қарбыз жеуі керек. Қарбызды негізгі тағамнан кейін пайдаланса, денсаулық үшін тиімдісі сол.
Аяулым ӘБІЛДА
“Адырна” ұлттық порталы
