Астана әкімдігі "Астана қаласының автотұрақ кеңістігі" компаниясымен келісім-шартты бұзу туралы құжатқа қол қойды. Бұл компания бұрын президент әкімшілігінің экс-басшысы Әділбек Жақсыбековке қатысы бар деп танылған, деп хабарлайды "Адырна" ұлттық порталы Orda.kz-ке сілтеп.
Астана әкімдігінің мәліметінше, келісім-шартты тоқтату рәсімі аяқталуда, ал қолданыстағы мүлікті мемлекетке беру жұмыстары жүргізіліп жатыр. Енді Астанадағы автотұрақ қызметін мемлекеттік кәсіпорын басқаратын болады. Барлық даулы мәселелер сот арқылы шешіледі.
Бұған дейін Алматыда ақылы автотұрақ жүйесін мемлекет меншігіне қайтару туралы шешім қабылданған болатын. Ол кезде автотұрақ қызметін Қайрат Боранбаев басқарған.
