Түркияның Ыспарта провинциясында екі әскери тікұшақ соқтығысты. Салдарынан 5 адам оқиға орнында қаза тапса, ауыр жарақат алған 1 әскери қызметкер ауруханада көз жұмды. Бұл туралы елдің қорғаныс министрлігі айтты, деп хабарлайды «Адырна» тілшісі.
Ресми мәліметтерге сүйенсек, қайғылы жағдай түрік әскери-әуе күштерінің кезекті жаттығуы кезінде болған. Қазір оқыс оқиғаға қатысты тергеу жүріп жатыр.
Ел билігі қаза тапқандардың туыстарына көңіл айтып, қарулы күштердегі қауіпсіздікті қамтамасыз ету басты мәселе болып қала беретінін мәлімдеді.
