Атырау облысында көктемгі су тасқыны кезінде бөгет салуға көмектескен Пшөн есімді итті белгісіз біреулер атып өлтірген. Бұл туралы иттің иесі Зәмзагүл Жанабаева айтты, деп хабарлайды “Адырна” ұлттық порталы.
Пішөн туғаннан Атырау облысы Сарытоғай ауылында Зәмзәгүл Жанабаеваның отбасында өскен.
"Итімізді әдеттегідей ауланың сыртына жіберген едік. Сосын ол үйге қайтып келді. Алайда денесіндегі оғымен оралды. Итаулаушы үйге жақын жерде еді, неге екені белгісіз, оны көрді де, ата салды. Меніңше олар Пішөнді танымады. Біз итаулаушыны танимыз. Алайда олар неліктен ол жерде жүргенін білмеймін. Бұл біз үшін, біздің ауыл үшін үлкен шығын", – деді Зәмзәгүл.
Иесінің айтуынша, ит желтоқсан айында үш жасқа толуы керек болған.
