Алматы қаласында 30 қыркүйек күні Республика Сарайында кешкі 19:00-де "Отан отбасынан басталады" атты тұңғыш отбасылық айтыс өтеді. Бір отбасынан бірнеше ақын шығып отырғанын дәріптеу мақсатында, әрі бір-бірімен сахнада айтыспаған ақындар енді ел алдында жыр көрігін қыздырмақ. Бекарыс Шойбеков інісі Дәуренмен, Рүстем Қайыртайұлы әкесі Қайыртаймен, Егеухан Мұхамадиқызы немересі Ардакерей Кәппен, Иран-Ғайып ағасы Талғатпен, Дидар Қамиев інісі Ұланғасырмен, Амангелді Панабердиев ағасы Серікболмен, Ержан Әміров інісі Бекжанмен айтысатын жыр додасын Жүрсін Ерман жүргізеді. Кеш қонағы Төреғали Төреәлі.
