Түркия президенті түрік әскерлері Израиль аумағына кіретінін мәлімдеді, деп хабарлайды "Адырна" ұлттық порталы.
Ердоған қажет болғанда әскерлерін кіргізіп, палестиналықтарға жақтасу керек екенін айтты.
"Израиль палестиналықтарды басынбас үшін біз өте күшті болуымыз керек. Қарабақ пен Ливиямен қалай әрекет етсек, Израильмен де солай істей аламыз”, – деді Ердоған.
Айта кетейік, түрік әскерилері Таулы Қарабақтағы операциялары кезінде Әзербайжан сарбаздарына көмектескен еді.
БАҚ беттерінде Түркия Израильдің Газа секторындағы әрекеттерін қолдамайтыны туралы да жиі айтылуда. Осы жылдың мамыр айында Ердоған Израильмен сауда-саттыққа шектеу қойғанын мәлімдеген еді.
