Қымбат Досжан Жәнібектің анасы болуы мүмкін әйелдің табылғанын айтты

Журналист Қымбат Досжан архив құжаттарынан Жәнібектің анасы болуы мүмкін әйелдің қолхаты табылғанын хабарлады, - деп хабарлайды “Адырна” ұлттық порталы. Бұл туралы Қымбат Досжан желіде жазды.  Журналистің айтуынша, бельгиялық әйел асырап алған Жәнібек ауысып кеткен болуы мүмкін. Қымбат Досжан Арқалық және Атбасар қаласының халқынынан көмек сұрап, Батталова Жанна Бекенова есімді тұрғынға іздеу салатынын хабарлады. Бұған дейін Жәнібектің анасы болуы мүмкін Жазираның ДНҚ сараптамасы 0 пайыз сәйкестік көрсеткен еді. Редакция Жанна мен Жазираның балалары ауысып кетуі ықтимал екенін айтады. Сондай-ақ екі ананың перзенті бір күнде балалар үйіне тапсырылған. "Біз неге Жанна Батталованы іздеп отырмыз? Жауабы: Табылған мәліметтер арасында Даниярдың фотосы бар. Естеріңізге салсақ, Жәнібектің құжатында анасы деп жазылған "Жазира" былтыр желтоқсанда табылды. Ол әйел 2002 жылдың қаңтарында перзентханаға құжатсыз жедел жәрдеммен барып, босанып баланың есімін "Жәнібек" деп қойып, 4 күннен кейін дәрігерлерге аты-жөнін өтірік айтып, қолхат жазып, перзентханадан кетіп, сол күйі оралмаған, оны өзі мойындап отыр", - деп жазды Қымбат Досжан.

 

Посмотреть эту публикацию в Instagram

 

Публикация от Kymbat Doszhan (@kymbatdoszhan)