Алматы облысының орталығы Қонаев қаласында қатты тұрмыстық қалдықтар полигонының аумағында қоқыс тұтанып, өрт шықты. Бұл туралы бүгін, 13 маусым күні Алматы облысының Тәтенше жағдайлар департаменті мәлімдеді, деп хабарлайды “Адырна” ұлттық порталы.
Мәліметкесәйкес, жалын шарпыған аумақ 1000 шаршы метрге дейін жетеді.
“Өрт сөндірушілер бір тәуліктен астам тереңдігі 4 метрге дейінгі 1000 шаршы метр аумақтағы қоқыстың жануымен күресіп жатыр. Жерді қалпына келтіру, топырақпен толтыру және сөндіру бойынша жұмыстар жүргізілуде. Зардап шеккендер жоқ. Өрттің шығу себебі анықталып жатыр”, - деп хабарлайды Алматы облысының ТЖД.
