Baıanaýyl ulttyq parkinde órt shyqty. Bul týraly Pavlodar oblysy Tótenshe jaǵdaılar departamentiniń baspasóz qyzmeti aıtty, dep habarlaıdy “Advrna” ulttyq portaly.
Aqparat boıynsha, órtti sóndirýge 130 órt sóndirýshi jumyldyrylǵan
14 shilde kúni saǵat 12.45-te Baıanaýyl aýdanynda Qyzyltaý aýylynan 20 shaqyrym jerde ashyq aýmaqta shamamen 800 gektar qurǵaq shóp órtendi, - delingen habarlamada.
Órt Dolbınsk orman sharýashylyǵynyń (115, 117, 118 oram) aýmaǵyna ótip, ondaǵy taǵy 20 gektar aýmaqty sharpyǵan.
Órtti sóndirýge 7 tehnıkamen 27 qutqarýshy, 13 tehnıkamen orman sharýashylyǵynyń 40 qyzmetkeri, erikti órt sóndirý jasaǵynan 11 tehnıkamen 55 adam jáne jergilikti atqarýshy organdardan 4 tehnıkamen 8 adam jumyldyrylǵan.
Aıta keteıik, órt oqshaýlandy, áli tolyq sóndirilgen joq. Tótenshe jaǵdaılar departamentiniń qyzmetkerleri barlyq azamatty órt qaýipsizdigi erejelerin saqtaýǵa, ásirese orman jáne aýylsharýashylyq jerlerinde muqııat bolýǵa shaqyrdy.
