Алматы облысының мамандандырылған ауданаралық экономикалық сотының судьясы сотталды. Бұл туралы Антикордың баспасөз қызметі айтты, деп хабарлайды «Адырна» тілшісі.
«Айыпталушы Қарасай ауданы Мемлекеттік кірістер басқармасының Өндіріп алу бөлімі басшысының көмегімен екі ЖШС-ті банкрот деп танығаны үшін кәсіпкерден пара алды деп айыпталды. Қонаев қалалық сотымен А. Абдрахманов 4 жыл мерзімге бас бостандығынан айырылды»,—делінген хабарламада.
Судьяға 122,5 млн теңге айыппұл түрінде жаза тағайындалды. Ал пара беруші 3 жыл 6 ай мерзімге бас бостандығынан айыруға сотталды.
Айта кетейік, сотталғандар өмір бойы мемлекеттік қызметте қызмет атқару құқығынан айырылады.
