Ұлттық қауіпсіздік комитетінің қызметкерлері жұмыс орнында терроризм идеяларын насихаттады деген күдікпен Қарағанды облысының тұрғынын ұстады, деп хабарлайды «Адырна» ұлттық порталы Ұлттық қауіпсіздік комитетінің баспасөз қызметіне сілтеме жасап.
«2024 жылғы 3 қаңтарда Ұлттық қауіпсіздік комитеті прокуратураның келісуімен және полицияның көмегімен жұмыс орнында және әлеуметтік желілер арқылы терроризмді насихаттады деген күдікпен Қарағанды облысының тұрғынын ұстады. », - делінген хабарламада.
Жедел-іздестіру шаралары барысында заттай айғақтар алынғаны атап өтілді.
Қылмыстық кодекстің 256-бабының 2-бөлігі бойынша сотқа дейінгі тергеу амалдары жүргізілуде.
Қылмыстық іс жүргізу кодексінің 201-бабының 1-бөлігіне сәйкес өзге де мәліметтер жария етілуге жатпайды.
«Адырна» ұлттық порталы
