Алматы әуежайының екі аға-менеджері қызметінен босатылды. Ақпаратты әуе портының баспасөз қызметі растады, деп хабарлайды «Адырна» тілшісі.
«Компания тобын қайта құруды жыл сайынғы жоспарлау аясында Алматы халықаралық әуежайында екі экспат-менеджер жұмысын тоқтатты», - делінген хабарламада.
Осылайша аға вице-президент Йеткин Четин Пакер мен бірінші вице-президент Фатих Омур директорлар кеңесінен кетті. Олар әуежайдың ресми сайтындағы басқару тізімінен де алынып тасталды.
